સુરત શહેરમાં સાંજના સમયથી ગાજવીજ સાથે શરૂ થયેલા ભારે વરસાદના કારણે પાંડેસરા અને ઉધના જેવા અનેક ઔદ્યોગિક અને રહેણાંક વિસ્તારોમાં પૂર જેવી સ્થિતિ નિર્માણ પામી છે. આ મુશળધાર વરસાદને લીધે ઉધના યાર્ડ, લિંબાયત ખાતે આવેલી બુદ્ધ સોસાયટી અને પાંડેસરામાં આવેલા મહાલક્ષ્મી નગરમાં ઘૂંટણસમા પાણી ભરાઈ જતાં સ્થાનિક લોકોને ભારે હાલાકી અને મુશ્કેલીઓનો સામનો કરવો પડી રહ્યો છે. લોકોના ઘરોમાં અને દુકાનોમાં વરસાદી પાણી ઘૂસી જતાં અનાજ અને ઘરવખરીના સામાનને મોટું નુકસાન થયું છે. સ્થાનિકો પોતાના નાના બાળકો અને વૃદ્ધોને બચાવવા માટે સુરક્ષિત સ્થળોએ આશરો લેવા મજબૂર બન્યા છે.