અમદાવાદ તા.૨૬ : ગુજરાતમાં ચોમાસાએ જોર પકડતા અમદાવાદ જિલ્લાના સાનંદ અને બાવળા પંથકમાં ભારે વરસાદના કારણે જળબંબાકારની સ્થિતિ સર્જાઈ છે. રસ્તાઓ અને નીચાણવાળા વિસ્તારોમાં પાણી ભરાવાના કારણે લોકોને ભારે હાલાકીનો સામનો કરવો પડી રહ્યો છે.

સ્થિતિને ધ્યાનમાં રાખીને મુખ્યમંત્રી ભૂપેન્દ્રભાઈ પટેલે વરસાદ અને પૂરની સ્થિતિની ઉચ્ચ સ્તરીય બેઠક કરી હતી. કેન્દ્રીય ગૃહમંત્રી અમિતભાઈ શાહે મુખ્યમંત્રી ભૂપેન્દ્રભાઈ પટેલ સાથે ટેલિફોન પર ચર્ચા કરીને રાજ્યની સ્થિતિથી વાકેફ કર્યા હતા

બંને નેતાઓએ અધિકારીઓ પાસેથી જિલ્લાવાર વરસાદ, જળાશયોની સ્થિતિ અને રાહત કામગીરીની માહિતી મેળવી. 

CM એ તંત્રને સાનંદ-બાવળા સહિત અસરગ્રસ્ત વિસ્તારોમાં તાત્કાલિક રાહત અને બચાવ કામગીરી તેજ કરવા સૂચના આપી છે. NDRF અને SDRFની ટીમોને પણ સ્ટેન્ડબાય રાખવામાં આવી છે.

તંત્ર શું કરી રહ્યું છે?રસ્તા બંધ: પાણી ભરાવાના કારણે સાનંદ-બાવળાના કેટલાક રસ્તા વાહન વ્યવહાર માટે બંધ કરાયા,રાહત કેમ્પ: નીચાણવાળા વિસ્તારોમાંથી લોકોને સુરક્ષિત સ્થળે ખસેડવાની કામગીરી શરૂ

વીજળી અને પાણી*: જરૂર પડે ત્યાં વીજ પુરવઠો બંધ કરીને સાવચેતી રાખવામાં આવી

હવામાન વિભાગે આગામી 48 કલાક પણ ભારે વરસાદની આગાહી કરી છે. તંત્રએ નદી કિનારે અને નીચાણવાળા વિસ્તારોમાં રહેતા લોકોને સતર્ક રહેવા અપીલ કરી છે.