ગુજરાત સચિવાલયના વહીવટી તંત્રની કાર્યક્ષમતા અને ગતિશીલતા વધારવા માટે સરકારે એક મોટો નિર્ણય લઈને વહીવટી માળખામાં મોટું રિ-સ્ટ્રક્ચરિંગ કર્યું છે, જે અંતર્ગત સામાન્ય વહીવટી વિભાગ દ્વારા બહાર પાડવામાં આવેલા સત્તાવાર ઠરાવ મુજબ સેક્શન અધિકારી વર્ગ-2નું સંખ્યાબળ 606થી વધારીને હવે 634 કરી દેવાયું છે. વિભાગવાર સત્તાના કેન્દ્રીકરણ પર વિશેષ ભાર મૂકતા લેવાયેલા આ નિર્ણય હેઠળ સચિવાલયના 26 મુખ્ય વિભાગોમાં 54 જેટલી જગ્યાઓની ફાળવણી કરી દેવામાં આવી છે, જેનાથી સરકારી કામકાજની પ્રક્રિયા વધુ ઝડપી અને સુદ્રઢ બનશે.