મહેસાણાના ગોઝારિયામાં કપિરાજના આતંકની ઘટના સામે આવી છે. ગોઝારિયાની અલ્કાપુરી સોસાયટીમાં ઘરના આંગણામાં રમી રહેલા બાળક પર કપિરાજે અચાનક હુમલો કર્યો હતો. કપિરાજે બાળકનો પગ ખેંચી તેને નિશાન બનાવ્યું હતું અને ત્યારબાદ ત્યાંથી ભાગી ગયો હતો. આ ઘટનાને પગલે સોસાયટીના રહીશોમાં ભયનો માહોલ ફેલાયો છે. ઘરની બહાર રમતા બાળકોની સુરક્ષાને લઈને વાલીઓમાં પણ ચિંતા જોવા મળી રહી છે. સ્થાનિકોએ કપિરાજના આતંકથી છુટકારો અપાવવા માટે તંત્ર દ્વારા તાત્કાલિક પગલાં લેવામાં આવે તેવી માગ કરી છે.