રાજકોટ, તા. ૧૬ : ગુજરાતમાં વાવણીના સફળ પ્રારંભ બાદ મેઘરાજાએ વિરામ નથી લીધો, પરંતુ આગામી દિવસોમાં પણ ધીમી ધારે ચોમાસુ માહોલ જાળવી રાખવા મક્કમ દેખાઈ રહ્યા છે. હવામાન વિભાગના લેટેસ્‍ટ બુલેટિનનો સકારાત્‍મક અભ્‍યાસ કરીને જાણીતા વેધર એનાલિસ્‍ટ અશોકભાઈ પટેલે વાચકો અને ધરતીપુત્રો માટે રાહતના સમાચાર આપતા જણાવ્‍યું છે કે, ૧૬ થી ૨૨ જુલાઈ ર૦ર૬ દરમિયાન સમગ્ર રાજ્‍યમાં ચોમાસાની પ્રવળત્તિ હળવી પણ સાતત્‍યપૂર્ણ રહેશે.

હાલમાં ઉત્તર-પﾍમિ બંગાળની ખાડીમાં ઓડિશા અને પﾍમિ બંગાળના કાંઠે એક શક્‍તિશાળી ‘વેલ માર્ક્‍ડ લો પ્રેશર એરિયા' સક્રિય થયો છે. જે આગામી બે દિવસમાં દેશના મધ્‍ય ભાગો તરફ આગળ વધશે. આ સિસ્‍ટમ્‍સની પરોક્ષ અસર અને દક્ષિણ-પﾍમિ રાજસ્‍થાન પર નીચલા ટ્રોપોસ્‍ફિયરમાં સર્જાયેલા અપર એર સાયક્‍લોનિક સકર્યુલેશનના કારણે ગુજરાતના વાતાવરણમાં ભેજ જળવાઈ રહેશે.

આ ઉપરાંત, બંગાળની ખાડીથી મધ્‍ય-પૂર્વ અરબી સમુદ્ર સુધી લંબાયેલી ટ્રફ રેખા અને આગામી ૧૯ જુલાઈથી ઉત્તર-પﾍમિ ભારતમાં સક્રિય થનારા નવા વેસ્‍ટર્ન ડિસ્‍ટર્બન્‍સને લીધે રાજ્‍યમાં વરસાદ માટે સાનુકૂળ વાતાવરણ બનેલું રહેશે.

વેધર એનાલિસ્‍ટ અશોકભાઈ પટેલે વિગતો આપતા ઉમેર્યું કે, આગામી અઠવાડિયા દરમિયાન દક્ષિણ ગુજરાતના વિસ્‍તારોમાં મેઘરાજાની પધરામણી વધુ પ્રબળ રહેશે, જ્‍યાં મોટાભાગના દિવસોમાં છૂટાછવાયો હળવોથી મધ્‍યમ વરસાદ અને કોઈક જગ્‍યાએ ભારે વરસાદી હેલી જોવા મળી શકે છે. જ્‍યારે સૌરાષ્‍ટ્ર, કચ્‍છ અને બાકીના ગુજરાત રિજિયનમાં કયાંય વ્‍યાપક પૂર જેવી સ્‍થિતિ સર્જાય તેવો ભારે વરસાદ ન હોવા છતાં, અમુક દિવસોમાં આહલાદક વરસાદી ઝાપટાં અને હળવો વરસાદ અચૂક વરસશે. આ હળવા ઝાપટાં પાકને નવું જીવન આપશે અને પવનની લહેરો સાથે વાતાવરણમાં સુંદર ઠંડક પ્રસરાવશે. આમ, રાજ્‍યમાં કોઈ મોટું સંકટ નથી પરંતુ ખેતી અને આબોહવા માટે અનુકૂળ એવો મધુર ચોમાસુ માહોલ યથાવત રહેશે. (૩૬.૮)