વડોદરા જિલ્લાના ડેસર તાલુકાના વાંકાનેડા ગામે ખનિજ વિભાગે ગેરકાયદે ખનન સામે મોટી કાર્યવાહી હાથ ધરી છે. કલેક્ટર અને વડોદરાના ભુસ્તરશાસ્ત્રી નીરજ ગામિતના માર્ગદર્શન હેઠળ હાથ ધરાયેલી આ કામગીરીમાં મેસરી નદીના પટમાંથી ગેરકાયદેસર રેતી ખનન કરતા વાહનોને ઝડપી લેવામાં આવ્યા છે. ખનિજ વિભાગની ટીમે સ્થળ પરથી ૨ હિટાચી મશીન અને ૩ ડમ્પર સહિત કુલ ૧ કરોડ ૬૦ લાખ રૂપિયાનો મુદ્દામાલ જપ્ત કર્યો છે. વિભાગ દ્વારા તમામ વાહનોનો કબજો મેળવી દંડની વસૂલાત સહિતની આગળની કાયદેસરની કાર્યવાહી હાથ ધરવામાં આવી છે.