ગાંધીનગર : ગુજરાત સરકારના વન અને પર્યાવરણ વિભાગ દ્વારા રાજ્યની વહીવટી કામગીરીને વધુ સુદ્રઢ અને અસરકારક બનાવવા માટે એક મોટો અને મહત્વપૂર્ણ નિર્ણય લેવામાં આવ્યો છે. વન વિભાગમાં પ્રશાસકીય વ્યાપ વધારવા અને કામગીરીને નવો વેગ આપવાના હેતુસર મોટા પાયે બઢતી (પ્રમોશન) અને બદલીના ઓર્ડર જારી કરવામાં આવ્યા છે. આ ફેરફારોથી રાજ્યના જંગલો, પર્યાવરણ તેમજ વન્યજીવોના સંરક્ષણ અને સુરક્ષાની કામગીરી વધુ ઝડપી બનશે તેવી દ્રઢ આશા વ્યક્ત કરવામાં આવી રહી છે.

પ્રશાસકીય કામગીરીને સુદ્રઢ કરવા માટે લેવાયા પગલાં

રાજ્ય સરકાર દ્વારા લેવાયેલા આ નિર્ણયો અંતર્ગત અનેક કુશળ અધિકારીઓને બઢતી આપીને નવી જગ્યાઓ પર જવાબદારી સોંપવામાં આવી છે. આ સાથે જ વરિષ્ઠ આઈએફએસ (IFS) અધિકારીઓની પણ નિયમિત બદલીઓ કરવામાં આવી છે, જેથી વિભાગીય સ્તરે કોઈપણ પ્રકારનીી શિથિલતા ન રહે અને કામગીરી વધુ પારદર્શક તથા ઝડપી બને. લાંબા સમયથી પ્રતિક્ષામાં રહેલા અધિકારીઓ માટે આ નિર્ણયો રાહતરૂપ સાબિત થયા છે.

વન અને વન્યજીવ સંરક્ષણની કામગીરી બનશે વધુ વેગવાન

ગુજરાતમાં વન્યજીવોની સુરક્ષા અને ગ્રીન કવરના વિકાસ માટે સરકાર સતત કટિબદ્ધ રહી છે. નવા અધિકારીઓની નિમણૂક અને બદલીઓથી ફિલ્ડ લેવલ પર વહીવટી કુશળતામાં વધારો થશે. આ ફેરફારોથી રાજ્યના જંગલોની જાળવણી તેમજ વન વિભાગની આંતરિક કાર્યક્ષમતામાં મોટો સુધારો જોવા મળશે તેવી અપેક્ષા છે.