પાટણના રાધનપુરમાં 'ઓપરેશન મ્યુલ હન્ટ 2.0' હેઠળ એક મોટા સાયબર કૌભાંડનો પર્દાફાશ થયો છે. જેમાં રૂ. 196 કરોડથી વધુના શંકાસ્પદ વ્યવહારો સામે આવ્યા છે. આ કૌભાંડમાં શ્રમિકોને દર મહિને 10 હજાર રૂપિયાના કમિશનની લાલચ આપી તેમના નામે બેંક ખાતાઓ ખોલાવવામાં આવ્યા હતા. આ ખાતાઓની ચેકબુક, પાસબુક, ATM અને સિમકાર્ડ ગેંગને સોંપી દેવામાં આવતા હતા, જેનો ઉપયોગ ઓનલાઈન જુગાર, સટ્ટા અને OTP ફ્રોડ માટે થતો હતો. દેશભરની  38  સાયબર ફ્રોડ ફરિયાદો સાથે જોડાયેલા આ મામલે રાધનપુર પોલીસ સ્ટેશનમાં 3 આરોપીઓ સામે ગુનો નોંધવામાં આવ્યો છે.