રાજકોટ, તા.૨૫: ઉત્તરપ્રદેશની રાજધાની લખનૌમાં એક કોચિંગ ક્‍લાસમાં ભીષણ આગ લાગવાની દુર્ઘટનામાં ૧૫ વિદ્યાર્થીઓના અકાળે અવસાન થયાના હૃદયદ્રાવક સમાચાર પ્રાપ્ત થતાં પૂજ્‍ય બાપુ અત્‍યંત વ્‍યથિત થયા હતા. આ દુર્ઘટનાના સમાચાર મળતાં જ પૂ. મોરારીબાપુએ તમામ દિવંગત વિદ્યાર્થીઓના નિર્વાણ માટે હનુમાનજીના ચરણોમાં પ્રાર્થના કરી હતી. હનુમાનજીની સાંત્‍વનારૂપે પૂ. બાપુએ પ્રત્‍યેક દિવંગતના પરિવારજનોને રૂપિયા ૧૫,૦૦૦ લેખે કુલ મળીને રૂ. ૨,૨૫,૦૦૦ની સહાય રાશિ અર્પણ કરી છે. આ સહાય રાશિ રામકથાના શ્રોતા દ્વારા ઉત્તરપ્રદેશના મુખ્‍યમંત્રી રાહત ફંડમાં જમા કરાવવામાં આવશે.

આ સાથે જ આફ્રિકાના પﾍુિમ કેન્‍યાના પોકોટ વિસ્‍તારમાં ખાણ દુર્ઘટનામાં ૧૯ લોકો અને કાજીઆડો પ્રાંતમાં મકાન ધરાશયી થતાં ૪ લોકોના મળત્‍યુના સમાચારથી પૂજ્‍ય બાપુને ઊંડો આઘાત લાગ્‍યો હતો. આ દુર્ઘટનાઓમાં મળત્‍યુ પામેલા કુલ ૨૩ લોકોના પરિવારજનોને પણ પૂ. બાપુએ રૂ. ૧૫,૦૦૦ લેખે કુલ રૂ. ૩,૪૫,૦૦૦ની સહાય રાશિ અર્પણ કરી છે. આ સહાય રાશિ રામકથાના નૈરોબી સ્‍થિત શ્રોતા દ્વારા સ્‍થાનિક ચલણમાં પીડિત પરિવારો સુધી પહોંચાડી દેવામાં આવી છે.

પૂ.મોરારીબાપુએ તમામ દિવંગત આત્‍માઓના સદ્ગતિ અને નિર્વાણ માટે પ્રાર્થના કરીને તેમના પરિવારજનોને આ દુઃખની ઘડીમાં દિલસોજી પાઠવી છે. તેમ જયદેવભાઈ માંકડ  (તલગાજરડા)ની યાદીમાં જણાવાયું છે.