અમદાવાદ : રાજ્યમાં TET પરીક્ષામાંથી મુક્તિ મેળવવા માટે શિક્ષકો અને ઉમેદવારો દ્વારા ચલાવવામાં આવી રહેલા આંદોલનનું હવે બીજું ચરણ શરૂ થવા જઈ રહ્યું છે. આગામી 23 જૂનથી શરૂ થઈને 5 જુલાઈ સુધી ચાલનારા આ બીજા તબક્કાના આક્રમક આંદોલન અંતર્ગત શિક્ષકો અને સંગઠનના હોદ્દેદારો રાજ્યના તમામ સાંસદો નો રૂબરૂ સંપર્ક સાધીને વ્યાપક સમર્થન અભિયાન ચલાવશે. આ રણનીતિના ભાગરૂપે તમામ રાજકીય નેતાઓ અને જનપ્રતિનિધિઓ પાસે આ માગણીના સમર્થનમાં વ્યક્તિગત ભલામણ પત્રો (સમર્થન પત્ર) મેળવવા માટેના સઘન પ્રયાસો હાથ ધરવામાં આવશે, જેથી સરકાર પર વહીવટી દબાણ લાવી શકાય.