ગાંધીનગર મહાનગરપાલિકા દ્વારા નાગરિકોના સ્વાસ્થ્યને ધ્યાનમાં રાખીને પીવાના પાણીના શુદ્ધિકરણ અંગે એક મહત્વપૂર્ણ નિર્ણય લેવામાં આવ્યો છે. જે અંતર્ગત હવે પાણીની ટાંકીઓમાં આધુનિક 'ઓટો ડોઝીંગ સિસ્ટમ' ઇન્સ્ટોલ કરવામાં આવશે. આ સિસ્ટમ પાણીમાં ક્લોરિનની જરૂરી માત્રાને ઓટોમેટિકલી સેટ કરશે, જેથી પાણી સચોટ રીતે શુદ્ધ થઈ શકે. આ સમગ્ર પ્રક્રિયાનું ઓનલાઈન ડેશબોર્ડના માધ્યમથી સતત મોનિટરિંગ પણ કરવામાં આવશે. મનપાના આ નિર્ણયથી ગાંધીનગરના 22 ગામના લોકોને શુદ્ધ અને જંતુમુક્ત પીવાનું પાણી ઉપલબ્ધ બનશે.