( ભરત શાહ દ્વારા ) નર્મદા :  ગુજરાતમાં ચોમાસાની શરૂઆત વચ્ચે ઉપરવાસમાં થઈ રહેલા ભારે વરસાદને કારણે રાજ્યની જળરાશિમાં નોંધપાત્ર વધારો થયો છે. ગુજરાતની જીવાદોરી સમાન સરદાર સરોવર ડેમ ની સપાટી માં વધારો નોંધાયો છે.
નર્મદા જિલ્લામાં આવેલા સરદાર સરોવર ડેમની જળસપાટીમાં ઉપરવાસના વરસાદને કારણે સતત વધારો થઈ રહ્યો છે. હાલમાં આજે બપોરે 4 વાગે નર્મદા ડેમની સપાટી ૧૨૬.૫૨ મીટર પર પહોંચી છે. હાલ માં પાણીની આવક ૩૩,૫૩૭ ક્યુસેક છે તેની સામે જાવક ૧૦,૮૩૭ ક્યુસેક નોંધાઈ છે. છેલ્લા ૨૪ કલાકમાં ડેમની સપાટીમાં વધારો નોંધાયો છે. જેના કારણે આખો ડેમ હાલમાં ૬૪.૭૪ ટકા સુધી ભરાઈ ચૂક્યો છે. આ જળરાશિ વધતા આગામી સમયમાં સિચાઈ અને પીવાના પાણીની સમસ્યા હલ થશે.