નવસારીમાં વરસાદી સિઝન પૂર્વે જ મેયરનું એક વિવાદાસ્પદ નિવેદન સામે આવ્યું છે. મેયરે ભવિષ્યવાણી કરતા કહ્યું હતું કે, "શહેરમાં ભુવા તો પડવાના જ છે." તેમણે દાવો કર્યો હતો કે ડ્રેનેજ અને વરસાદી લાઈનોની કામગીરીને કારણે જમીન પોચી થઈ ગઈ છે. એટલું જ નહીં, વરસાદી સ્થિતિને લઈને મેયરે નવસારીની સરખામણી અમદાવાદ, મુંબઈ અને દિલ્હી સાથે કરી હતી અને અધિકારીઓને સલાહ આપી હતી કે મીડિયા જ્યારે જગાડવાનો પ્રયત્ન કરે ત્યારે આવેશમાં ન આવવું.