વડોદરા મહાનગરપાલિકાના નવનિયુક્ત પદાધિકારીઓએ સત્તાવાર રીતે પોતાનો પદભાર સંભાળી લીધો છે. પદભાર સંભાળ્યા બાદ પ્રથમ દિવસે જ પાલિકા કચેરી ખાતે પદાધિકારીઓની અલગ-અલગ શૈલી જોવા મળી હતી, જે હાલ શહેરમાં ભારે ચર્ચાનો વિષય બની છે.

એક તરફ નવનિયુક્ત મેયર ગીતાબેન મકવાણા પોતાની સાદગીનો પરિચય આપતા ટુ-વ્હીલર પર પાલિકા કચેરી પહોંચ્યા હતા, તો બીજી તરફ ડેપ્યુટી મેયર આદિત્ય પટેલ સરકારી પ્રોટોકોલ મુજબ ફાળવવામાં આવેલા વાહનમાં કચેરીએ આવ્યા હતા.