દાહોદમાં નવરાત્રી પૂર્વે વિદેશી દારૂના નેટવર્ક પર પોલીસની મોટી તવાઈ બોલાવી છે, કતવારા પોલીસે ખંગેલા ચેકપોસ્ટ પરથી 1.40 કરોડથી વધુનો મુદ્દામાલ ઝડપ્યો છે . મધ્યપ્રદેશ તરફથી આવતી શંકાસ્પદ ટ્રકમાંથી વિદેશી દારૂનો જંગી જથ્થો મળ્યો છે . પોલીસે ટ્રકમાંથી 1.20 કરોડની કિંમતની 37,632 નંગ દારૂની બોટલો જપ્ત કરી છે . ભાગવા જતાં રાજસ્થાનના બાડમેરના ટ્રક ચાલક જશરાજ ચૌધરીને દબોચી લીધો છે . દારૂ, ટ્રક અને રોકડ સહિત કુલ 1 કરોડ 40 લાખ 25 હજારનો મુદ્દામાલ કબજે કરાયો છે . નવરાત્રી પર્વ નજીક આવતાં જ બુટલેગરો ગુજરાતમાં દારૂ ઘુસાડવા સક્રિય થયા છે . તહેવારોને ધ્યાને રાખી સરહદી વિસ્તારોમાં દાહોદ પોલીસની કડક નાકાબંધી. દાહોદ એલસીબી ટીમે પ્રોહીબિશનનો ગુનો નોંધી વધુ તપાસ હાથ ધરી છે