મહેસાણા તા.૨: મહેસાણા પોક્સો કોર્ટે સગીરા સાથે છેડતી અને દુષ્કર્મના પ્રયાસના કેસમાં આરોપીને 20 વર્ષની સખત કેદની સજા ફટકારી છે. સાથે જ કોર્ટે પીડિત સગીરાને રૂ. 50 હજારનું વળતર ચૂકવવાનો પણ મહત્વપૂર્ણ આદેશ કર્યો છે.

પ્રાપ્ત વિગતો મુજબ મહેસાણા જિલ્લામાં એક સગીરા સાથે છેડતી કરી દુષ્કર્મનો પ્રયાસ કરવાનો બનાવ બન્યો હતો. આ મામલે પોલીસે આરોપીની ધરપકડ કરી કોર્ટમાં ચાર્જશીટ રજૂ કરી હતી. કેસની સુનાવણી દરમિયાન સરકારી વકીલની દલીલો, પુરાવા અને સાક્ષીઓને ધ્યાને લઈ મહેસાણા પોક્સો કોર્ટે આરોપીને દોષિત ઠેરવ્યો હતો.

કોર્ટે આરોપીને પોક્સો એક્ટ હેઠળ 20 વર્ષની સખત કેદની સજા ફટકારી છે. આ ઉપરાંત ભોગ બનનાર સગીરાને થયેલા માનસિક અને શારીરિક આઘાતને ધ્યાને લઈ આરોપીને રૂ. 50 હજારનું વળતર ચૂકવવાનો આદેશ પણ આપવામાં આવ્યો છે. કોર્ટના આ કડક ચુકાદાથી પીડિત પરિવારને ન્યાય મળ્યો છે અને સમાજમાં દાખલો બેસશે.