સુરત ગ્રામ્ય પોલીસ દ્વારા કામરેજના શેખપુર ગામમાં કાયદો અને વ્યવસ્થાની સ્થિતિ મજબૂત કરવાના ભાગરૂપે એક અભૂતપૂર્વ અને પ્રચંડ મેગા સર્ચ ઓપરેશન હાથ ધરવામાં આવ્યું હતું. પોલીસની અલગ-અલગ ટીમોએ આખા પંથકને કિલ્લામાં ફેરવી દઈને શેખપુર ગામના ૧૪૦૦થી વધુ ઘરોમાં સઘન ચેકિંગ હાથ ધર્યું હતું. આ ઓપરેશન મુખ્યત્વે સ્થાનિક વિસ્તારમાં ગુનાખોરી નિયંત્રણ અને શંકાસ્પદ લોકોની ઓળખ કરવા માટે યોજાયું હતું, જેમાં મકાનમાલિકો દ્વારા રાખવામાં આવેલા ભાડૂતોની તપાસ કરવામાં આવી હતી.