(ભરત શાહ દ્વારા ) નર્મદા:સ્ટેચ્યુ ઓફ યુનિટી ખાતે પ્રતિદિન સાંજના પ્રોજેક્શન મેપિંગ (લેસર શો) દર્શાવવામાં આવે છે. હાલમાં ઉનાળાની ઋતુની શરૂઆતને કારણે દિવસ ક્રમશઃ લાંબો થતો જાય છે, જેના કારણે સાંજના 7:30 કલાકે ઘણું અજવાળું હોવાથી પ્રોજેક્શન મેપિંગ (લેસર શો) પ્રવાસીઓ વધુ સારી રીતે નિહાળી શકતા નથી.જેથી આ શોનો સમય સાંજે 7:45 કલાકનો રાખવા તેમજ નર્મદા આરતીનો સમય સાંજે 7:00 કલાકનો રાખવો યોગ્ય જણાયેલ છે.
 સ્ટેચ્યુ ઓફ યુનિટી ખાતે આવતા તમામ પ્રવાસીઓની સગવડતાને ધ્યાનમાં રાખી, સ્ટેચ્યુ ઓફ યુનિટી ઓથોરિટી દ્વારા, તારીખ 16/05/2026ના શનિવારના રોજથી સ્ટેચ્યુ ઓફ યુનિટી પર દર્શાવવામાં આવતા પ્રોજેક્શન મેપિંગ (લેસર શો)નો સમય સાંજના 7:30 કલાકથી બદલીને સાંજના 7:45 કલાકનો રાખવામાં આવેલ છે, તેમજ નર્મદા આરતીનો સમય સાંજના 8:15 કલાકથી બદલીને સાંજના 7:00 કલાકનો રાખવામાં આવેલ છે. જેની સ્ટેચ્યુ ઓફ યુનિટી ખાતે આવતા તમામ પ્રવાસીઓએ ખાસ નોંધ લેવી.