અમદાવાદ તા.૨૮: ગુજરાતમાં ઉચ્‍ચ શિક્ષણ મેળવવા ઇચ્‍છતા વિદ્યાર્થીઓ અને તેમના વાલીઓ માટે એક મહત્‍વપૂર્ણ સમાચાર સામે આવ્‍યા છે. રાજ્‍યની ૪૨ કોલેજો અને વિવિધ કોર્સ માટે ચાલુ વર્ષ માટે પ્રોવિઝનલ ફી જાહેર કરવામાં આવી છે. ફી રેગ્‍યુલેટરી કમિટી દ્વારા જાહેર કરવામાં આવેલી આ ફીમાં રૂ. ૩૧ હજારથી લઈને રૂ. ૧.૪૫ લાખ સુધીની ફી નક્કી કરવામાં આવી છે. આ નિર્ણયથી વિદ્યાર્થીઓને વિવિધ કોર્સમાં પ્રવેશ મેળવવા માટે કેટલી ફી ચૂકવવી પડશે તેની માહિતી મળી શકશે. સાથે જ કોલેજો દ્વારા ફી ઉપરાંત અન્‍ય કોઈ પણ પ્રકારની ફી વસૂલવા પર પ્રતિબંધ મૂકવામાં આવ્‍યો છે. ફી રેગ્‍યુલેટરી કમિટી દ્વારા જાહેર કરવામાં આવેલી પ્રોવિઝનલ ફીમાં બી.ફાર્મ, ડિપ્‍લોમા એન્‍જિનિયરિંગ, M.E.-M.Tech, MBA અને MCA જેવા વિવિધ કોર્સનો સમાવેશ થાય છે. અલગ-અલગ કોલેજો અને કોર્સ માટે ફી નક્કી કરવામાં આવી છે. આ ફી વિદ્યાર્થીઓ માટે પ્રવેશ પ્રક્રિયા દરમિયાન મહત્‍વપૂર્ણ બની રહેશે. બી.ફાર્મ કોર્સ માટે સુરતની ધનવંતરી ઇન્‍સ્‍ટિટ્‍યૂટની રૂ. ૯૦ હજાર ફી નક્કી કરવામાં આવી છે. જ્‍યારે નવસારીની એસ.એસ. અગ્રવાલ ફાર્મસી કોલેજ માટે રૂ. ૮૦ હજાર ફી નક્કી કરવામાં આવી છે. ગોધરાની શ્રી ગોવિદ ગુરુ યુનિવર્સિટી માટે બી.ફાર્મ કોર્સની રૂ. ૫૦ હજાર ફી નક્કી કરવામાં આવી છે.

ડિપ્‍લોમા એન્‍જિનિયરિંગ કોર્સ માટે પણ અલગ-અલગ કોલેજોની ફી જાહેર કરવામાં આવી છે. વડોદરાની સિગ્‍મા યુનિવર્સિટી માટે રૂ. ૪૫ હજાર ફી નક્કી કરવામાં આવી છે. હિમતનગરની વિદ્યાદીપ ઇજનેરી માટે રૂ. ૩૫ હજાર ફી નક્કી કરવામાં આવી છે. જ્‍યારે ભરૂચની શ્રી સદવિદ્યા મંડળ માટે રૂ. ૪૦ હજાર ફી નક્કી કરવામાં આવી છે. M.E.-M.Tech કોર્સ માટે કડીની ઇન્‍દ્રાશીલ યુનિવર્સિટીની રૂ. ૧.૦૫ લાખ ફી જાહેર કરવામાં આવી છે. MBA કોર્સ માટે અમદાવાદની એપોલો ઇન્‍સ્‍ટિટ્‍યૂટની રૂ. ૬૨ હજાર ફી નક્કી કરવામાં આવી છે. રાજકોટની હરિવંદના કોલેજ માટે MBA કોર્સની રૂ. ૫૮ હજાર ફી નક્કી કરવામાં આવી છે. MCA કોર્સ માટે ગાંધીનગર ઇન્‍સ્‍ટિટ્‍યૂટ ઓફ ટેકનોલોજીની રૂ. ૬૬ હજાર ફી નક્કી કરવામાં આવી છે. જ્‍યારે ઇન્‍દ્રાશીલ યુનિવર્સિટી માટે MCA કોર્સની રૂ. ૮૭ હજાર ફી નક્કી કરવામાં આવી છે. ફી રેગ્‍યુલેટરી કમિટી દ્વારા જાહેર કરવામાં આવેલી પ્રોવિઝનલ ફી મુજબ કોલેજો વિદ્યાર્થીઓ પાસેથી અન્‍ય કોઈ પણ પ્રકારની ફી વસૂલી શકશે નહીં. રાજ્‍યની ૪૨ કોલેજો અને કોર્સ માટે જાહેર કરવામાં આવેલી આ ફી વિદ્યાર્થીઓ અને વાલીઓ માટે મહત્‍વપૂર્ણ છે. વિવિધ કોર્સની ફી અંગેની માહિતીના આધારે વિદ્યાર્થીઓ પ્રવેશ પ્રક્રિયા દરમિયાન પોતાની પસંદગીના કોર્સ અને કોલેજ અંગે નિર્ણય લઈ શકશે.