તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
૨૩મી સુધી વરસાદી માહોલઃ હળવાથી મધ્યમ વરસશે
વેધરએનાલીસ્ટ અશોકભાઇ પટેલની તા.૧૭થી ૨૩ સપ્ટેમ્બર સુધીની આગાહી : લો-પ્રેશરની અસરથી હળવાથી મધ્યમ વરસાદ ૫૦% વિસ્તારમાં ૨૫થી ૫૦ મિમી સુધી વરસાદની શક્યતા, સૌરાષ્ટ્ર-કચ્છમાં છૂટાછવાયા સ્થળોએ ૭૫ મિમીથી વધુ વરસાદની સંભાવના; ચોમાસાની વિદાયના સંકેતો વચ્ચે બંગાળની ખાડીમાં નવા લો-પ્રેશરની શક્યતા
રાજકોટઃ ગુજરાતમાં ચોમાસું હવે ધીમે ધીમે વિદાય તરફ આગળ વધી રહ્યું હોવા છતાં વરસાદની મહેર હજુ યથાવત રહેવાની શક્યતા છે. હવામાન વિભાગના ૧૭ સપ્ટેમ્બરના સવારના બુલેટિન મુજબ આગામી ૧૭થી ૨૩ સપ્ટેમ્બર દરમિયાન સૌરાષ્ટ્ર, કચ્છ સહિત સમગ્ર ગુજરાતમાં સ્થળ પ્રમાણે હળવાથી મધ્યમ વરસાદ પડી શકે છે. વરસાદનો વ્યાપ એકસરખો નહીં રહે અને અલગ-અલગ વિસ્તારોમાં અલગ પ્રમાણમાં વરસાદ નોંધાઈ શકે છે.
વેધર એનાલિસ્ટ અશોકભાઈ પટેલના જણાવ્યા મુજબ સૌરાષ્ટ્રને અડીને આવેલા ઉત્તરપૂર્વ અરબી સમુદ્ર પરનું લો પ્રેશર એરિયા યથાવત છે. તેની સાથે સંકળાયેલું સાયક્લોનિક સર્ક્યુલેશન સમુદ્ર સપાટીથી ૫.૮ કિમી સુધી વિસ્તરેલું છે. આ સિસ્ટમ તેમજ ગુજરાત પર રહેલા અન્ય હવામાન પરિબળોને કારણે આગામી દિવસોમાં વરસાદની શક્યતા જળવાઈ રહી છે.
ગુજરાત રિજિયનમાં આગાહી સમયગાળા દરમિયાન કેટલાક વિસ્તારોમાં હળવાથી મધ્યમ વરસાદની સંભાવના છે. આશરે ૫૦ ટકા વિસ્તારમાં કુલ ૨૫ મિમી સુધી, જ્યારે બાકીના ૫૦ ટકા વિસ્તારમાં ૨૫થી ૫૦ મિમી સુધી વરસાદ પડવાની શક્યતા છે. આ ઉપરાંત છૂટાછવાયા વિસ્તારોમાં ૫૦ મિમીથી વધુ વરસાદ પણ થઈ શકે છે.
સૌરાષ્ટ્ર અને કચ્છની વાત કરીએ તો અહીં પણ અલગ-અલગ દિવસોએ હળવાથી મધ્યમ વરસાદની શક્યતા વ્યક્ત કરવામાં આવી છે. ૫૦ ટકા વિસ્તારમાં ૨૫ મિમી સુધી અને બાકીના ૫૦ ટકા વિસ્તારમાં ૨૫થી ૫૦ મિમી સુધી વરસાદની સંભાવના છે. જ્યારે છૂટાછવાયા સ્થળોએ ૭૫ મિમીથી વધુ વરસાદ પણ પડી શકે છે.
અશોકભાઈ પટેલના વિશ્લેષણ મુજબ આગાહી સમયગાળાના અંત પહેલા બંગાળની ખાડીમાં નવું લો પ્રેશર એરિયા બનવાની શક્યતા છે. બીજી તરફ, ૧૯ સપ્ટેમ્બરની આસપાસ પﾍમિ રાજસ્થાનના કેટલાક વિસ્તારોમાંથી દક્ષિણપﾍમિ ચોમાસાની વિદાય માટેની પરિસ્થિતિ અનુકૂળ બનવાના સંકેતો મળી રહ્યા છે.
આમ, ચોમાસાની વિદાયના સંકેતો વચ્ચે પણ આગામી એક સપ્તાહ ગુજરાત માટે વરસાદની લ્લષ્ટિએ સક્રિય રહી શકે છે. ખાસ કરીને સૌરાષ્ટ્ર-કચ્છમાં સ્થળ પ્રમાણે વરસાદની હેરફેર જોવા મળવાની શક્યતા હોવાથી ખેડૂતો અને લોકોની નજર આગામી હવામાન પર રહેશે.
(2:21 PM IST)
છેલ્લા 8 દિવસમાં સૌથી લોકપ્રિય 
