ગાંધીનગર: ગુજરાત સરકારના શ્રમ, કૌશલ્ય વિકાસ અને રોજગાર, ગ્રામ વિકાસ વિભાગના મંત્રી કુંવરજીભાઈ બાવળિયા આજ રોજ રાજસ્થાનના મુખ્યમંત્રી ભજન લાલ શર્મા તથા નાયબ મુખ્યમંત્રી દિયા કુમારી સાથે મુલાકાત કરી વાઇબ્રન્ટ ગુજરાત ગ્લોબલ સમિટ-૨૦૨૭માં ઉપસ્થિત રહેવા માટે બંન્ને મહાનુભાવોને ઔપચારિક આમંત્રણ પાઠવ્યું હતું.
  વાઇબ્રન્ટ ગુજરાત ગ્લોબલ સમિટ-૨૦૨૭નું આયોજન આગામી તા. ૧૦થી ૧૨ જાન્યુઆરી, ૨૦૨૭ દરમિયાન ગાંધીનગરના મહાત્મા મંદિર ખાતે કરવામાં આવ્યું છે. આ સમિટ વૈશ્વિક રોકાણકારો, ઉદ્યોગપતિઓ, નીતિનિર્માતાઓ અને વિવિધ ક્ષેત્રના અગ્રણીઓને એક મંચ પર લાવીને રોકાણ, ઔદ્યોગિક વિકાસ, નવીનતા અને આંતરરાષ્ટ્રીય સહયોગની નવી તકો ઊભી કરવામાં મહત્વપૂર્ણ ભૂમિકા ભજવશે.
ગુજરાત અને રાજસ્થાન વચ્ચેના આંતરરાજ્ય સહયોગને વધુ મજબૂત બનાવવા તેમજ વિકાસ અને રોકાણના ક્ષેત્રોમાં પરસ્પર સહભાગિતાને પ્રોત્સાહન આપવા માટે આ મુલાકાત મહત્વપૂર્ણ બની રહેશે.
આ પ્રસંગે GUVNLના મેનેજિંગ ડિરેક્ટર શ્રીમતી  શાલિની અગ્રવાલ (IAS) પણ ઉપસ્થિત રહ્યાં હતા