ગુજરાત સરકાર દ્વારા વહીવટી કામગીરીમાં સાતત્ય જાળવી રાખવા માટે 6 વરિષ્ઠ IAS અધિકારીઓને વધારાનો ચાર્જ (Additional Charge) સોંપવાનો મહત્વનો નિર્ણય લેવામાં આવ્યો છે. રાજ્યના કેટલાક વરિષ્ઠ અધિકારીઓ વિદેશ પ્રવાસ પર હોવાથી, તેમની ગેરહાજરીમાં મહત્વના વિભાગોની જવાબદારી અન્ય અધિકારીઓને વહેંચી દેવામાં આવી છે.

નવી વહીવટી વ્યવસ્થા મુજબ, નાણાં વિભાગનો મહત્વનો પ્રભાર ડૉ. અંજુ શર્માને સોંપવામાં આવ્યો છે. આ ઉપરાંત, ઉદ્યોગ અને ખાણ વિભાગની જવાબદારી રાજીવ ટોપનોને સોંપાઈ છે. સુરક્ષા અને વહીવટની દ્રષ્ટિએ સંવેદનશીલ ગણાતા ગૃહ વિભાગનો વધારાનો હવાલો અરુણકુમાર એમ. સોલંકીને આપવામાં આવ્યો છે.

વધુમાં, ઔદ્યોગિક વિકાસ માટે મહત્વની ગણાતી GIDC સંસ્થાનો ચાર્જ પ્રવીણા D.K. સંભાળશે. માહિતી અને પ્રસારણ વિભાગની જવાબદારી ડૉ. અજય કુમારને જ્યારે નવી દિલ્હી ખાતે રેસિડેન્ટ કમિશનર તરીકેની મહત્વની ભૂમિકા ડૉ. સંધ્યા ભુલ્લરને સોંપવામાં આવી છે. સરકારના આ નિર્ણયથી મહત્વના સરકારી કામોમાં કોઈ અડચણ ન આવે તેવી વ્યવસ્થા ગોઠવવામાં આવી છે.