તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
એલ.ડી.એન્જિનિયરીંગ કોલેજમાં ૨૫ વર્ષ પૂર્વેના વિદ્યાર્થીઓનું મિલનઃ મધુર યાદો વાગોળી
વિદેશ સ્થિત ભૂતપૂર્વ વિદ્યાર્થીઓ કાર્યક્રમમાં ઓનલાઇન જોડાયા
અમદાવાદની સુપ્રસિધ્ધ એલ.ડી. ઇજનેર કોલેજના ૨૫ વર્ષ પૂર્વના વિદ્યાર્થીઓના પુનઃ મિલન પ્રસંગની તસ્વીર ઝલક
રાજકોટ, તા.૧૨: એલ.ડી. કોલેજ ઓફ એન્જિનિયરિંગના (અમદાવાદ) ઈલેક્ટ્રોનિક્સ અને કોમ્યુનિકેશન વિભાગના ૧૯૯૭-૨૦૦૧ના બેચ દ્વારા અભ્યાસ પૂર્ણ થયાના ૨૫ વર્ષ પૂર્ણ થવાના અવસરે રજત જયંતી પુનર્મિલન કાર્યક્રમનું આયોજન કરવામાં આવ્યું હતું. ભારત ઉપરાંત અમેરિકા, યુકે, કેનેડા અને યુરોપમાંથી ભૂતપૂર્વ વિદ્યાર્થીઓ તથા અધ્યાપકો વર્ચ્યુઅલ માધ્યમથી જોડાયા હતા.
કાર્યક્રમમાં ડો. કિશોરાઇ આચાર્ય, સરકારી ઇજનેરી કોલેજ, રાજકોટ, પિંકી મેડમ, ઈલેક્ટ્રોનિક્સ અને કોમ્યુનિકેશન વિભાગના વડા, એલ.ડી.સી.ઈ., તેમજ મોબીન શેખ, પંકજ પ્રજાપતિ, આશિષ શર્મા, અંકિત શાહ, પ્રતિક શાહ, સંદીપ, સ્નેહલ પંચાલ, કિરણ, નિકુંજ તપોદન સહિતના ભૂતપૂર્વ વિદ્યાર્થીઓ જોડાયા હતા.
આ પ્રસંગે ૨૫ વર્ષ જૂની કોલેજ જીવનની યાદો, વર્ગખંડો, કેન્ટીન, સિવિલ હોલ, ક્રિકેટ, ગરબા, સાંસ્કળતિક કાર્યક્રમો અને વિદ્યાર્થીકાળની મિત્રતાને યાદ કરવામાં આવી હતી. સાથે છેલ્લા ૨૫ વર્ષમાં ટેકનોલોજીમાં આવેલા જબરદસ્ત પરિવર્તન અંગે પણ ચર્ચા થઈ હતી. ૧.૪૪ એમ.બી.ની ફ્લોપી ડિસ્કથી લઈને આજના કળત્રિમ બુદ્ધિમત્તાના યુગ સુધી સફરને યાદ કરવામાં આવી હતી.
ભૂતપૂર્વ વિદ્યાર્થીઓએ વિવિધ ક્ષેત્રોમાં કરેલી પોતાની શૈક્ષણિક અને વ્યવસાયિક પ્રગતિની વાતો પણ રજૂ કરી હતી. પંકજ પ્રજાપતિ, હાલમાં વી.જી.ઈ.સી., ચાંદખેડા ખાતે સહયોગી અધ્યાપક તરીકે ફરજ બજાવે છે. તેમણે જી.ટી.યુ.માંથી પીએચ.ડી. પૂર્ણ કરી છે અને આશરે ૨૫ વર્ષનો શિક્ષણ ક્ષેત્રનો અનુભવ ધરાવે છે. તેઓ એલ.ડી.સી.ઈ.માં સહાયક અધ્યાપક તરીકે પણ સેવા આપી ચૂકયા છે.
એલ.ડી.સી.ઈ. તથા ઈ.સી. વિભાગના વિકાસ અંગે જણાવાયું કે વિભાગમાં તાાતક અભ્યાસક્રમની ્રવેશ ક્ષમતા ૬૦ થી વધારીને ૧૨૦ કરવામાં આવી છે. ઉપરાંત સંચાર પ્રણાલી ઇજનેરી અને વી.એલ.એસ.આઈ. રચના જેવા અનુતાાતક અભ્યાસક્રમો પણ ચાલી રહ્યા છે. નવા બ્લોક-૧૨તથા આધુનિક સુવિધાઓ અંગે પણ ચર્ચા કરવામાં આવી હતી.
આગામી ૨૩ અને ૨૪ ઓક્ટોબર ૨૦૨૬ના રોજ યોજાનારી રાષ્ટ્રીય અભિયાંત્રિકી માન્યતા મંડળની મુલાકાતમાં ભૂતપૂર્વ વિદ્યાર્થીઓ શકય તેટલો સહયોગ આપે તે માટે અપીલ કરવામાં આવી હતી.
અધ્યાપકો દ્વારા ભૂતપૂર્વ વિદ્યાર્થીઓને વર્તમાન વિદ્યાર્થીઓ માટે પ્રશિક્ષણ, રોજગારની તકો, માર્ગદર્શન, કારકિર્દી સલાહ અને અભ્યાસક્રમ અંગે સૂચનો આપવા માટે યોગદાન આપવા અપીલ કરવામાં આવી હતી.
આગામી પુનર્મિલન કાર્યક્રમ અમદાવાદ અથવા અમેરિકામાં પ્રત્યક્ષ રીતે યોજવા તથા આશરે દર છ મહિને ભૂતપૂર્વ વિદ્યાર્થીઓ વચ્ચે સંપર્ક અને પુનર્મિલન કાર્યક્રમ યોજવાનો નિર્ણય લેવામાં આવ્યો હતો. કાર્યક્રમનું દૃશ્ય-ધ્વનિ રેર્કોડિંગ કરવામાં આવ્યું હતું અને સામૂહિક તસવીર પણ લેવામાં આવી હતી.
૨૫ વર્ષ બાદ અંતર ભલે વધ્યું હોય, પરંતુ એલ.ડી.સી.ઈ.ની યાદો, મિત્રતા અને લાગણીનો સંબંધ આજે પણ અતૂટ છે. એક વાર એલ.ડી.સી.ઈ.ના વિદ્યાર્થી, હંમેશા દિલ અને દિમાગ થી એલ.ડી.સી.ઈ.ના વિદ્યાર્થી જ રહે છે. તેવો ભાવ વ્યકત થયો હ તો.
(2:08 PM IST)
છેલ્લા 8 દિવસમાં સૌથી લોકપ્રિય 
