ભરૂચ જિલ્લાના અંકલેશ્વર GIDCમાં આવેલ BEIL સેમિનાર હોલ ખાતે આજે EPFO ભરૂચ દ્વારા 'PM વિકસિત ભારત રોજગાર યોજના' અંતર્ગત એક વિશેષ કાર્યક્રમનું ભવ્ય આયોજન કરવામાં આવ્યું હતું. આ કાર્યક્રમ દરમિયાન વડાપ્રધાન નરેન્દ્રભાઈ  મોદીના હસ્તે ડિજિટલ માધ્યમથી દેશના લાભાર્થીઓને પ્રોત્સાહન રાશિ વિતરણ કરવાના મુખ્ય કાર્યક્રમનું લાઈવ સ્ટ્રીમિંગ કરવામાં આવ્યું હતું, જેને સ્થાનિક અગ્રણીઓ અને લાભાર્થીઓએ નિહાળ્યું હતું. આ અવસરે રાજ્યના જળસંપત્તિ મંત્રી ઇશ્વરસિંહ પટેલ ખાસ ઉપસ્થિત રહ્યા હતા. કાર્યક્રમ સંબોધતા મંત્રી ઇશ્વરસિંહ પટેલે જણાવ્યું હતું કે, કેન્દ્ર સરકારની આ મહત્વકાંક્ષી યોજનાથી દેશના યુવાનો અને શ્રમિકોને ખૂબ જ મોટું આર્થિક સશક્તિકરણ મળશે અને રોજગારીની નવી તકો ઊભી થશે. આ પ્રસંગે મોટી સંખ્યામાં સ્થાનિક શ્રમિકો, યુવાનો અને ઉદ્યોગ જગતના અગ્રણીઓ હાજર રહ્યા હતા.