અમદાવાદમાં રાજ્યના ઈન્ચાર્જ DGP કે.એલ.એન. રાવએ મેટ્રોમાં મુસાફરી કરી જાહેર પરિવહનને પ્રોત્સાહન આપવાનો સંદેશ આપ્યો હતો. તેમણે રાણીપથી ગાંધીનગર પોલીસ ભવન સુધી મેટ્રોમાં મુસાફરી કરી હતી. આ દરમિયાન DGPએ કોટેશ્વર મેટ્રો સ્ટેશનનું નિરીક્ષણ કરીને સુરક્ષા વ્યવસ્થાની સમીક્ષા પણ કરી હતી. સાથે જ લોકોને ઈંધણ બચાવવા અને ટ્રાફિકનું ભારણ ઘટાડવા માટે વધુમાં વધુ જાહેર પરિવહનનો ઉપયોગ કરવાની અપીલ કરી હતી.