રાજકોટ, તા.૭: સુરત શહેર પોલીસ કમિશનર શ્રી અનુપસિંહ ગેહલોત તથા એડિશનલ પોલીસ કમિશનર શ્રી કરણરાજ વાઘેલાના માર્ગદર્શન હેઠળ તથા ડીસીપી શ્રી ભાવેશ રોજીયા ના નેતળત્‍વમાં એસીપી શ્રી કિરણ મોદીના સંકલનમાં ક્રાઈમ બ્રાન્‍ચે રાષ્‍ટ્રીય સ્‍તરની સરાહનીય કામગીરી કરી બતાવી છે.

ગત તા. ૨૯/૦૪/૨૦૨૫ ના રોજ વરાછા SBI બેંકમાં ૫૦ લાખની લૂંટ આચરનાર બિહારની કુખ્‍યાત ‘કુંદન ભગત'ગેંગના બે સભ્‍યોને પોલીસ ઇન્‍સ્‍પેક્‍ટર શ્રી જયરાજસિંહ ઝાલા તથા તેમની ટીમે ઉત્તરપ્રદેશ પોલીસ ઇન્‍સ્‍પેક્‍ટર શ્રી એસ.એન. પરમાર દ્વારા મેળવાયેલ ટેકનિકલ સર્વેલન્‍સ માહિતી આધારે ૧૫૦૦ કિમીનો પીછો કરી અયોધ્‍યા તથા ગોંડાથી ઝડપી પાડયા હતા.

પોલીસ કમિશનરનું નિવેદનઃ આ અંગે પોલીસ કમિશનર શ્રી અનુપસિંહ ગેહલોત એ ‘‘અકિલા'' સમક્ષ પોલીસ ઓપરેશનની ભીતરી કથા વર્ણવતા જણાવ્‍યું કે, ‘‘દહેરાદૂનમાં ૧૪ કરોડની લૂંટને અંજામ આપનાર કુંદન ભગતે બિહારની જેલમાં બેઠાબેઠા આખી લૂંટનો માસ્‍ટર પ્‍લાન તૈયાર કરી, પોલીસ વ્‍યસ્‍ત હોય તેવા સમયે જ ત્રાટકવાની મોડસ ઓપરેન્‍ડીનો સુરતમાં અમલ કરવાનો પ્રયોગ કર્યો હતો, પણ ક્રાઈમ બ્રાન્‍ચના અમારા પ્રયોગ કર્યો હતો, પણ ક્રાઈમ બ્રાન્‍ચના અમારા અધિકારીઓ અને સ્‍ટાફ તેનાથી ચાર ચાસણી ચઢિયાતા પુરવાર થયા છે.''

ખાસ વાતઃ ગેંગનો માસ્‍ટરમાઈન્‍ડ કુંદન કુમાર ઉર્ફે કુંદન ભગત હાલ પટના બેઉર જેલમાં NIA ના કેસમાં બંધ હોવા છતાં જેલમાંથી સમગ્ર ઓપરેશન ચલાવતો હતો. આરોપીઓએ નવેમ્‍બર ૨૦૨૩માં દેહરાદૂનમાં ૧૪ કરોડની જ્‍વેલરી લૂંટને પણ અંજામ આપ્‍યો હતો.

ટેકનિકલ તપાસઃ ક્રાઈમ બ્રાન્‍ચે ૧૦૦૦થી વધુ CCTV ફૂટેજ, ટાવર ડેટા તથા હ્યુમન ઈન્‍ટેલિજન્‍સ આધારે તપાસ કરી ચોરીની બાઈકો, નકલી નંબર પ્‍લેટ તથા આરોપીઓના મોબાઈલ લોકેશન ટ્રેસ કરી આ સફળતા મેળવી છે. ટેકનિકલ સર્વેલન્‍સ ખૂબ ઉપયોગી સાબિત થઈ હતી.

સારઃ આંતરરાજ્‍ય સંકલન અને વૈજ્ઞાનિક ઢબે થયેલી આ કાર્યવાહીથી આંતરરાજ્‍ય ગુનાખોર નેટવર્કનો પર્દાફાશ થયો છે. આ સિદ્ધિથી નાગરિકોમાં પોલીસ તંત્ર પ્રત્‍યે વિશ્વાસ વધુ દૃઢ બન્‍યો છે