સુરતના વાલક મિશન રોડ પર તંત્રની બેદરકારી સામે આવી છે. રસ્તાની આસપાસ સેફ્ટી ગ્રીલ ન લગાવવામાં આવતા બાઈક ચાલક કેનાલમાં ખાબક્યો હતો. વાહન ચાલકે સ્ટિયરિંગ પરથી કાબૂ ગુમાવતા બાઈક સીધું કેનાલમાં પડ્યું હતું. જોકે, સદનસીબે આ ઘટનામાં બાઈક ચાલકને કોઈ મોટી ઈજા પહોંચી નથી. ઘટનાને પગલે આસપાસના લોકો એકઠા થઈ ગયા હતા અને દોરડાની મદદથી બાઈકને બાંધી કેનાલની બહાર કાઢ્યું હતું. રસ્તાની બાજુમાં સુરક્ષાનાં પૂરતાં પગલાં ન લેવાતાં વાહનચાલકોની સલામતી સામે સવાલો ઊભા થયા છે.