દાહોદના ઝાલોદમાં તળાવમાં ડૂબી જવાથી બે સગી બહેનોના મોત નીપજતાં અરેરાટી મચી છે. 12 અને 13 વર્ષીય બંને કિશોરીઓ સવારે તળાવના કાંઠે કપડાં ધોવા માટે ગઈ હતી, દરમિયાન અચાનક પગ લપસતાં બંને પાણીમાં ડૂબી ગઈ હતી. ઘટનાની જાણ થતાં ફાયર ફાઇટરો ઘટનાસ્થળે પહોંચ્યા હતા અને ભારે જહેમત બાદ બંને કિશોરીઓના મૃતદેહોને તળાવમાંથી બહાર કાઢ્યા હતા. એક જ પરિવારની બે દીકરીઓના મોતથી સમગ્ર પંથકમાં શોકનો માહોલ છવાયો છે.