અમદાવાદ : હવામાન વિભાગ દ્વારા આજે સમગ્ર રાજ્યમાં સાર્વત્રિક વરસાદની આગાહી કરવામાં આવી છે, જેમાં વેલમાર્ક લો-પ્રેશર અને સીઝનલ ટ્રફ સહિતની સિસ્ટમ સક્રિય થતાં દક્ષિણ ગુજરાતના નવસારી, વલસાડ, સુરત, ડાંગ, ભરૂચ અને તાપીમાં અતિભારે વરસાદને પગલે એલર્ટ જાહેર કરાયું છે. આ સિવાય સૌરાષ્ટ્રના ભાવનગર, અમરેલી, રાજકોટ, જૂનાગઢ, મોરબી, દ્વારકા તેમજ ઉત્તર અને મધ્ય ગુજરાતના સાબરકાંઠા, અરવલ્લી, મહીસાગર અને પંચમહાલમાં પણ મધ્યમથી ભારે વરસાદની શક્યતા દર્શાવવામાં આવી છે. રાજ્યમાં અત્યાર સુધી સીઝનનો 6 ટકા ઓછો વરસાદ નોંધાયો છે, જોકે હવામાન વિભાગના અનુમાન અનુસાર આવતીકાલથી વરસાદનું જોર ઘટવાની સંભાવના છે.