સુરતમાં મોટા વરાછા વિસ્તારમાં આવેલા એક મોલમાં ચેન્જિંગ રૂમમાં મહિલા ફસાઈ જતા રેસ્ક્યૂ ઓપરેશન હાથ ધરવામાં આવ્યું હતું. ચેન્જિંગ રૂમનો દરવાજો અચાનક લોક થઈ જતા મહિલા અંદર જ ફસાઈ ગઈ હતી અને બહાર આવી શકી નહોતી. ઘટનાની જાણ થતા જ ફાયર બ્રિગેડની ટીમ તાત્કાલિક સ્થળે પહોંચી હતી. ટીમે સમયસર કાર્યવાહી કરીને ચેન્જિંગ રૂમનો દરવાજો તોડી મહિલાને સુરક્ષિત રીતે બહાર કાઢી હતી. સદનસીબે આ ઘટનામાં કોઈ ઇજા થઈ નહોતી અને મહિલા હેમખેમ બહાર આવી ગઈ હતી.