News of Thursday, 27th June 2024
યુક્રેન સામે યુદ્ધ લડવા માટે રશિયાને મળ્યો આ મજબૂત સાથી

નવી દિલ્હી: અમેરિકાના ડેપ્યુટી સેક્રેટરી ઓફ સ્ટેટ કર્ટ કેમ્પબેલે કહ્યું છે કે ઉત્તર કોરિયા ટૂંક સમયમાં રશિયાથી લાંબા અંતરની ન્યૂક્લિયર મિસાઈલ ટેકનોલોજી મેળવવાનું છે. જ્યારે તેના બદલે તે રશિયાને આર્ટિલરીના શેલ આપશે. આ દરમિયાન ખબર એ આવી રહી છે કે ઉત્તર કોરિયાએ ઘણા હથિયારોવાળી મિસાઈલનું સફળ પરીક્ષણ કરી લીધું છે.ઉત્તર કોરિયાની સરકારી એજન્સીએ જણાવ્યું કે કિમ જોંગ ઉનના દેશે આવી મિસાઈલ બનાવી દીધી છે, જેમાં એક નહીં પરંતુ વધુ હથિયાર લગાવી શકાય છે. આ એક ઈન્ટરમીડિએડ રેન્જની બેલેસ્ટિક મિસાઈલ છે. જેનો પહેલો સ્ટેજ સોલિડ ફ્યૂઅલ એન્જિનથી ચાલે છે. આ ખુલાસો ત્યારે થયો છે જ્યારે એક દિવસ પહેલા જ ઉત્તર કોરિયાના પૂર્વી કિનારે દાગવામાં આવેલી હાઈપરસોનિક મિસાઈલ હવામાં જતાં જ ફાટી ગઈ હતી પરંતુ ઘણા હથિયારોવાળી મિસાઈલે પરીક્ષણના સમયે પોતાના તમામ નક્કી ધોરણ પૂરા કર્યાં. તેના તમામ શસ્ત્રો અલગ થયા. આ હથિયારો નક્કી કરવામાં આવેલા 3 અલગ-અલગ ટાર્ગેટ પર હિટ કરાવવામાં આવ્યા. ઉત્તર કોરિયાએ હવે મલ્ટિપલ ઈન્ડિપેન્ડેન્ટલી ટાર્ગેટેબલ રીએન્ટ્રી વ્હીકલ (MIRV) ટેકનોલોજી વિકસિત કરી લીધી છે. એટલે કે મિસાઈલથી એકસાથે ઘણા ટાર્ગેટ પર હુમલાની ક્ષમતા. આમાં મિસાઈલ ઘણા હથિયારોને લઈને પહેલા વાયુમંડળની ઉપર જાય છે. પછી ત્યાંથી હથિયારને લઈને ટાર્ગેટની તરફ વધે છે. નક્કી ઊંચાઈ પર આવ્યા બાદ આ હથિયાર મિસાઈલથી અલગ થઈને પોત-પોતાના ટાર્ગેટની તરફ વધી જાય છે.
(6:38 PM IST)









છેલ્લા 8 દિવસમાં સૌથી લોકપ્રિય 
