નવી દિલ્હી: રશિયા અને યુક્રેનની વચ્ચે યુદ્ધ છેડાયું છે ત્યારથી પશ્ચિમી દેશોનું ટેન્શન ઓછું થઈ રહ્યું નથી. રશિયાના રાષ્ટ્રપતિ વ્લાદિમીર પુતિને એક વખત ફરી પશ્ચિમી દેશોને પરમાણુ હુમલાની ચેતવણી જાહેર કરી છે. પુતિને સ્પષ્ટ કહ્યું છે કે 'જો રશિયામાં યુક્રેની મિસાઈલોથી નુકસાન પહોંચે છે તો પછી તે પરમાણુ હથિયારોનો ઉપયોગ કરવાથી પાછળ હટશે નહીં.'
રિપોર્ટ અનુસાર બુધવારે રશિયાની સુરક્ષા પરિષદની બેઠક દરમિયાન રાષ્ટ્રપતિ પુતિને કહ્યું, 'પરમાણુ શક્તિ સંપન્ન દેશના સમર્થનથી બિન પરમાણુ હથિયાર વાળા દેશનો રશિયા પર હુમલો બંને દેશોનો સંયુક્ત હુમલો માનવામાં આવશે અને જવાબી કાર્યવાહી કરવામાં આવશે.'રશિયાની આ ચેતવણી પશ્ચિમી દેશો ખાસ કરીને અમેરિકા અને બ્રિટન દ્વારા યુક્રેનને તેના વિરુદ્ધ ક્રૂઝ મિસાઈલોનો ઉપયોગ કરવાની પરવાનગી આપવા જવાને લઈને વધતી ચિંતા વચ્ચે આવી છે. માનવામાં આવી રહ્યું છે કે યુક્રેન તરફથી વધતા હુમલાને ધ્યાનમાં રાખતાં પરમાણુ હુમલાની નીતિમાં ફેરફાર કર્યો છે. યુક્રેન અઢી વર્ષથી અમેરિકા અને પશ્ચિમી દેશોના સમર્થનથી રશિયા વિરુદ્ધ યુદ્ધ લડી રહ્યું છે. તાજેતરના મહિનાઓમાં યુક્રેને રશિયા પર ઘણા જોરદાર હુમલા કર્યા છે. પુતિને કહ્યું, 'રશિયાના પરમાણુ હથિયારોના ઉપયોગ તરફ ફેરફારની શરતો પણ સ્પષ્ટ રીતે નક્કી છે. પુતિનના જણાવ્યા અનુસાર સમાયોજન જરૂરી હતું કેમ કે દુનિયા ઝડપથી બદલાઈ રહી છે. રશિયાએ તે સ્થિતિમાં પારંપરિક હથિયારો સિવાય પરમાણુ હથિયારોનો ઉપયોગ કરવાનો અધિકાર સુરક્ષિત રાખ્યો છે. જ્યારે તે કે તેનો સાથી બેલારુસ ટાર્ગેટ પર છે.'