ગિનેસ વર્લ્‍ડ રેકોર્ડ્‍સે સોશ્‍યલ મીડિયા હેન્‍ડલ પર એક નવા રેકોર્ડની તસવીરો શેર કરી છે જેમાં એક માણસ ખૂબબધા ડોગીને લઈને એમને ફેરવવા નીકળ્‍યો છે અને એ તમામ ડોગીઓને પેલા ભાઈ પટ્ટાથી કન્‍ટ્રોલ કરી રહ્યા છે. પાંચમી સપ્‍ટેમ્‍બરે સાઉથ કોરિયાના ચુંગચેઓન્‍ગબુક-ડો નામના ભાઈએ એકસાથે ૩૬ ડોગીઓને ચલાવવાનો રેકોર્ડ બનાવ્‍યો હતો, પણ મિશેલ રૂડી નામના બીજા ડોગલવરે આ રેકોર્ડ તોડીને ૩૮ ડોગીઓને ચલાવવાનો વિક્રમ બનાવ્‍યો છે. એકસાથે સૌથી વધુ કૂતરાઓને લીશથી બાંધીને બધાને એકસાથે એક કિલોમીટર સુધી ચલાવવાની ચેલેન્‍જ આ વિક્રમમાં હતી. મિશેલ રૂડી ડોગ-ટ્રેઇનર છે અને તેણે એક શેલ્‍ટર હોમમાં રાખેલા રખડતા શ્વાનોને ચલાવ્‍યા હતા.