તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
કુંવારા દોડો દુલ્હન લેવા ! થાઈલેન્ડમાં મળે છે ભાડેથી સુંદર પત્નિઓ
યુવતી નિર્ધારિત સમય સુધી પત્નિની તમામ ફરજો બજાવે છે : જોકે, આ પ્રથા હવે વ્યવસાયનું સ્વરૂપ લઈ રહી છેઃ દેશના અંતરિયાળ અને ગ્રામ્ય વિસ્તારોની છોકરીઓ પૈસા માટે પ્રવાસીઓની ભાડાની પત્નિ બની જાય છે : આ ટ્રેન્ડ પટાયાના રેડ લાઈટ એરિયા, બાર અને નાઈટ ક્લબમાંથી તેમનો બિઝનેસ ચલાવે છે
બેંગ્કોક, તા.૬: એશિયાના દક્ષિણપૂર્વ ટાપુ દેશ થાઈલેન્ડ વિશ્વનું એક મુખ્ય પર્યટન સ્થળ છે અને આ દેશના સુંદર બીચને જોવા માટે દુનિયાભરના પ્રવાસીઓ આવે છે. સમુદ્રથી ઘેરાયેલો હોવાથી અહીં વર્ષભર પ્રવાસીઓ આવતા રહે છે. પ્રવાસન પણ આ દેશમાં આવકનો મુખ્ય સ્ત્રોત છે અને લોકોની આજીવિકા પણ તેની સાથે ઘણી હદ સુધી જોડાયેલી છે. જોકે, આ દેશ કેટલાક અન્ય કારણોસર પણ ચર્ચામાં છે.
તાજેતરમાં એક પુસ્તક પબ્લિશ થયા બાદ થાઈલેન્ડમાં ભાડાની પત્નીઓની પ્રથાને લઈને નવી ચર્ચા છેડાઈ છે. આ વિચિત્ર વલણનું મૂળ થાઈલેન્ડના પટાયાની પરંપરાઓમાં છે. અહીં લોકો ભાડા પર પત્ની લઈ શકે છે, તેને ‘વાઈફ ઓન હાયર' અને ઁબ્લેક પર્લઁ પણ કહેવામાં આવે છે.
આ એક પ્રકારનું અસ્થાયી લગ્ન હોય છે, જેમાં પૈસા આપીને છોકરીને થોડા સમય માટે પત્ની બનાવી શકાય છે. યુવતી નિર્ધારિત સમય સુધી પત્નીની તમામ ફરજો બજાવે છે. જોકે, આ પ્રથા હવે વ્યવસાયનું સ્વરૂપ લઈ રહી છે. ચાલો જાણીએ કે થાઈલેન્ડમાં ભાડાની પત્નીનો ઝડપથી વધી રહ્યો છે ટ્રેન્ડ, કોણ ભાડાની પત્ની છે અને આ પત્નીઓ કેટલા સમય સુધી બને છે.
તાજેતરમાં જ લાવર્ટ એ ઇમેન્યુઅલ પુસ્તક થાઈ ટેબૂ-ધ રાઈઝ ઓફ વાઈફ રેન્ટલ ઈન મોડર્ન સોસાયટીઃ એક્સપ્લોરિંગ લવ, કોમર્સ એન્ડ કોન્ટ્રોવર્સી ઈન થાઈલેન્ડની વાઈફ રેન્ટલ ફેનોમેનન, આ ટ્રેન્ડ વિશે સમગ્ર વિશ્વને માહિતગાર કર્યા છે. આ પુસ્તક જણાવવામાં આવ્યું છે કે, કેવી રીતે થાઈલેન્ડમાં પત્નીને ભાડા પર રાખવાની વિવાદાસ્પદ પ્રથા ઝડપથી વધી રહી છે અને આવકનો મુખ્ય સ્ત્રોત બની રહી છે.
થાઈલેન્ડમાં મોટી સંખ્યામાં વિદેશી પ્રવાસીઓ આવે છે. દેશના અંતરિયાળ અને ગ્રામ્ય વિસ્તારોની છોકરીઓ પૈસા માટે પ્રવાસીઓની ભાડાની પત્ની બની જાય છે. આ ટ્રેન્ડ થાઈલેન્ડના પટાયાના રેડ લાઈટ એરિયા, બાર અને નાઈટ ક્લબમાંથી તેમનો બિઝનેસ ચલાવે છે. થાઈલેન્ડમાં આ બિઝનેસ તરીકે ઝડપથી ફેલાઈ રહ્યો છે.
થાઈલેન્ડમાં ભાડાની પત્નીની વિવાદાસ્પદ પ્રથા છે. ગરીબ પળષ્ઠભૂમિની મહિલાઓ પૈસા કમાવવા માટે વિદેશી પ્રવાસીઓની પત્ની બનીને રહેવા લાગે છે. આ વ્યવસ્થા ઔપચારિક લગ્ન નથી. અમુક દિવસોથી લઈને કેટલાક મહિના સુધીના સમયગાળા માટે કામચલાઉ કરાર કરવામાં આવે છે. મહિલાઓ પૈસા કમાવવા અને પરિવારનું ભરણપોષણ કરવા માટે આવા કામ કરે છે.
આ મહિલાઓ મુખ્યત્વે બાર અથવા નાઈટ ક્લબમાં કામ કરે છે અને જ્યારે તેમને સારા ગ્રાહકો મળે છે ત્યારે તેઓ ભાડાની પત્ની બની જાય છે. ભાડાની રકમ મહિલાની ઉંમર, સુંદરતા, શિક્ષણ અને સમયના આધારે નક્કી કરવામાં આવે છે. રકમ ઼૧૬૦૦ થી ઼૧૧૬૦૦૦ સુધીની હોઈ શકે છે. થાઈલેન્ડમાં આ પ્રથા અંગે કોઈ કાયદો નથી.
થાઈલેન્ડમાં આ પ્રથા તાજેતરમાં ઝડપથી ફેલાઈ રહી છે. જોકે, આ પ્રકારની સેવા જાપાન અને કોરિયામાં પહેલા હતી. થાઈલેન્ડમાં આ પ્રથાની ઝડપી વધી રહેલા ટ્રેન્ડ માટે ઘણા કારણો છે. શહેરીકરણ અને વ્યસ્ત જીવનને કારણે લોકોની એકલતા વધી રહી છે. આવી સ્થિતિમાં લોકો કાયમી સંબંધોને બદલે અસ્થાયી સંબંધોને પસંદ કરવા લાગ્યા છે.
સંબંધો અને સ્વતંત્રતા પ્રત્યેના લવચીક અભિગમને કારણે થાઈલેન્ડમાં પણ આ પ્રથા ઝડપથી ફેલાઈ રહી છે. થાઈલેન્ડની સરકાર પણ માને છે કે દેશમાં ભાડાની પત્નીઓની પ્રથા અસ્તિત્વમાં છે અને પ્રવાસીઓના કારણે આ પ્રથાએ બિઝનેસનું સ્વરૂપ લીધું છે. સરકાર માને છે કે આ પ્રથાને અંકુશમાં લેવા માટે કાયદો બનાવવાની જરૂર છે.(
(10:24 AM IST)
છેલ્લા 8 દિવસમાં સૌથી લોકપ્રિય 
