નવી દિલ્હી: આજકાલ લોકોની લાઇફસ્ટાઇલ ખૂબ જ ખરાબ થઈ રહી છે. જંક ફૂડ, મોડી રાત સુધી જાગવા, કલાકો સુધી સ્ક્રીન પર સમય પસાર કરવો, સ્વચ્છતા ન જાળવવાને કારણે લોકો અનેક પ્રકારના રોગોનો ભોગ બની રહ્યા છે. અને તેમાંથી કેન્સર એક છે. હાલમાં કેન્સર ઝડપથી ફેલાઈ રહ્યો છે. જે ખૂબ જ ગંભીર સમસ્યા બની ગઈ છે. તેના ઘણા પ્રકારો છે, જે શરીરના જુદા જુદા ભાગોમાં થતા હોવાથી એજ નામોથી ઓળખવામાં આવે છે. સર્વાઇકલ કેન્સર આ ગંભીર રોગનો એક પ્રકાર છે, જે સ્ત્રીઓ માટે ખૂબ જ ઘાતક છે. અમે તમને આંતરરાષ્ટ્રીય મહિલા દિવસ નિમિત્તે તેના જોખમી પરિબળો અને તેના નિવારણ વિશે વાત કરવાના છીએ. સર્વાઇકલ કેન્સર મહિલાઓના પ્રજનન અંગોને પ્રભાવિત કરતાં એ પાંચ ગંભીર કેન્સરમાંનું એક છે. જ્યારે કેન્સર સ્ત્રીઓના સર્વિક્સમાં (Cervix) શરુ થાય છે, ત્યારે તેને સર્વાઇકલ કેન્સર કહેવામાં આવે છે. સર્વાઇકલ કેન્સર હ્યુમન પેપિલોમા વાયરસ (HPV) નામના વાયરસથી થાય છે. HPVથી સંક્રમિત દરેક મહિલાઓને સર્વાઇકલ કેન્સરનું જોખમ રહેલું છે.
આ સામાન્ય લક્ષણોથી ઓળખો આ ગંભીર બીમારીને
વારંવાર પેશાબ કરવો
સફેદ સ્રાવ
હાર્ટબર્ન અને લૂઝ મોશન
અસામાન્ય રક્તસ્ત્રાવ
ભૂખ ન લાગવી અથવા ખૂબ ઓછું ખાવું
ખૂબ થાક લાગે છે
પેટના નીચેના ભાગમાં દુખાવો અથવા સોજો
વારંવાર હળવો તાવ અને સુસ્તી
સેક્સ દરમિયાન દુખાવો
સેક્સ પછી રક્તસ્ત્રાવ
માસિક ધર્મ દરમિયાન સામાન્ય કરતાં વધુ રક્તસ્ત્રાવ
સતત પીઠનો દુખાવો
યોનિમાર્ગમાં ગઠ્ઠો અથવા મસાઓ