ચીનમાં ૮ વર્ષમાં ૨૨ નકલી કર્મચારીઓ દ્વારા કરોડોનું કૌભાંડ
નકલી કર્મચારીઓને નોકરી પર રાખ્યા : તેમના નામે પગાર અને નિવૃતિ ભથ્થાની રકમની છેતરપિંડી કરી
નવી દિલ્હી, તા.૧૫: કોઈપણ કંપની માટે તેના માનવ સંસાધન વ્યવસ્થાપક સૌથી મહત્વપૂર્ણ છે. તે જ જુએ છે કે કંપનીને કયા પ્રકારના અને કેટલા લોકોની જરૂર છે, પરંતુ જો માનવ સંસાધન ડેસ્કનો મેનેજર પોતે છેતરપિંડી કરે છે... તો ચીનમાં પણ આવો જ એક કિસ્સો સામે આવ્યો છે જ્યાં એક HR મેનેજરે ૮ વર્ષ સુધી ૨૨ નકલી કર્મચારીઓની સચોટ હાજરી નોંધી અને તેમને સમાન પગાર આપતા રહ્યા. આ રીતે, તેણે કંપની સાથે લગભગ ૧૬ મિલિયન યુઆન એટલે કે ૧૮ કરોડ રૂપિયાની છેતરપિંડી કરી.
સાઉથ ચાઇના મોર્નિંગ પોસ્ટના અહેવાલ મુજબ, યાંગ નામનો એક વ્યક્તિ ચીનની રાજધાની શાંઘાઈમાં એક શ્રમ સેવા કંપનીમાં મેનેજર તરીકે કામ કરતો હતો. અહીં તેમનું કામ એક પેઢીને આપવામાં આવતા કામદારોના વેતનનું સંચાલન કરવાનું હતું. આઠ વર્ષ પહેલાં, જ્યારે યાંગને ખ્યાલ આવ્યો કે કર્મચારીઓને નોકરી પર રાખવા અને પગાર ચૂકવવા માટે બીજું કોઈ જવાબદાર નથી, ત્યારે તેણે આ છટકબારીનો લાભ લેવાનું નક્કી કર્યું. પહેલા, તેણે સન નામનો એક નકલી કર્મચારી બનાવ્યો અને એક મહિના પછી, તેના નામે પગાર ચૂકવવા માટે અરજી કરી. અહીં યાંગે નકલી ખાતામાં પૈસા ટ્રાન્સફર કરાવ્યા.
યાંગની ક્રિયાઓ વિશે કોઈને ખબર પડી નહીં અને બધું શાંતિથી ચાલુ રહયું. ૨૦૧૪ માં, પોતાની સિદ્ધિથી ખુશ, યાંગે ધીમે ધીમે વધુ નકલી કર્મચારીઓ બનાવવાનું શરૂ કર્યું. અને ૨૦૨૨ સુધીમાં, તેમની પાસે ૨૨ કર્મચારીઓ હતા. ૨૦૨૨ માં, તેનું રહસ્ય ખુલ્યું. આ કર્મચારીઓને કેટલો પગાર મળ્યો તે અંગે કોઈ માહિતી જાહેર કરવામાં આવી નથી.
યાંગે ૮ વર્ષ સુધી આ કર્મચારીઓના નામે પગાર વસૂલવાનું ચાલુ રાખ્યું. પરંતુ ૨૦૨૨ માં, પેઢીના નાણાં વિભાગે આ વિસંગતતા ધ્યાનમાં લીધી. તેઓએ જોયું કે સન નામનો એક કર્મચારી છેલ્લા ૮ વર્ષથી સતત કામ પર આવી રહયો હતો અને નિયમિતપણે તેનો પગાર પણ મેળવી રહયો હતો, પરંતુ હજુ સુધી કોઈએ તેને જોયો ન હતો; કંપનીમાં કોઈ તેનો મિત્ર કે તે જેને ઓળખતો હતો તે કોઈ નહોતું. નાણા વિભાગે કંપનીના અધિકારીઓને આ અંગે જાણ કરી. તેઓએ પગારપત્રકના રેકોર્ડ અને બેંક વ્યવહારોની તપાસ કરી અને યાંગની છેતરપિંડી શોધી કાઢી.(૨૩.૧૬)
(3:34 PM IST)
છેલ્લા 8 દિવસમાં સૌથી લોકપ્રિય 
