ન્‍યુયોર્ક તા.૨: સાંવલિયાજી મંદિર એ ભારતના મુખ્‍ય તીર્થસ્‍થાનોમાંથી એક છે. આ મંદિર પ્રત્‍યે ભક્‍તોની અતૂટ ભક્‍તિ છે. અહીં કરોડો ભક્‍તો દર્શન માટે આવે છે, પરંતુ શું તમે જાણો છો કે સાંવલિયાજી મંદિરની આવી ઘણી પરંપરાઓ છે, જે વર્ષોથી ચાલી આવે છે. આવી સ્‍થિતિમાં આજે અમે તમને મંદિરના પૂજારીના પગાર સાથે જોડાયેલી એક પરંપરા વિશે જણાવવા જઈ રહ્યા છીએ, જે એકદમ અનોખી છે, તો ચાલો જાણીએ તેના વિશે.

સાંવલિયાજી મંદિરની તિજોરી ખોલવાની અને તેની ગણતરી કરવાની પરંપરા વર્ષોથી ચાલી આવે છે, આ પરંપરા હેઠળની સૌથી રસપ્રદ પરંપરાઓમાંની એક પુજારીઓના પગાર સાથે જોડાયેલી છે. તમને જણાવી દઈએ કે, મંદિરની તિજોરી વર્ષમાં ૧૦ વખત અમાસ પર અને એક વાર ફાગણ મહિનાની પૂર્ણિમા (હોળી) પર ખોલવામાં આવે છે, જ્‍યારે કારતક માસની અમાસ (દિવાળી) પર તિજોરી ખોલવામાં આવતી નથી, તેના બદલે આગામી અમાસ પર બે મહિનાની તિજોરી ખોલવામાં આવે છે.

તમને જણાવી દઈએ કે, મંદિરમાં મુખ્‍ય પૂજારીનો પગાર એક પ્રાચીન પરંપરા અનુસાર નક્કી કરવામાં આવે છે. જ્‍યારે મંદિરની તિજોરી ખોલવામાં આવે છે, ત્‍યારે મુખ્‍ય પૂજારી તેના બન્ને હાથ વડે એક જ વારમાં જેટલી નોટો ઉપાડી શકે છે તે તેનો માસિક પગાર હોય છે. મંદિરની સ્‍થાપનાથી આ પરંપરાનું પાલન કરવામાં આવે છે અને આજે પણ આ પરંપરા યથાવત છે.

તમને જણાવી દઈએ કે, સાંવલિયાજી મંદિર માત્ર મેવાડનું મુખ્‍ય તીર્થ સ્‍થળ નથી. દેશ-વિદેશમાંથી ભક્‍તો અહીં દર્શન કરવા અને દાન આપવા આવે છે. મંદિરની તિજોરીમાં દર વખતે કરોડો રૂપિયા, સોનું, ચાંદી અને અન્‍ય કીમતી વસ્‍તુઓ જમા થાય છે, જે ભક્‍તોની અપાર ભક્‍તિ દર્શાવે છે. મંદિર પ્રબંધન આ નાણાંનો ઉપયોગ વિવિધ ધાર્મિક અને સામાજિક કાર્યો માટે કરે છે, જેનો લાભ હજારો લોકોને મળે છે. આ વર્ષો જૂની પરંપરા માત્ર સાંવલિયાજી મંદિરની વિશિષ્ટતા દર્શાવે છે, પરંતુ ભક્‍તો અને પૂજારીઓ વચ્‍ચે એક અનોખો ધાર્મિક સંબંધ પણ સ્‍થાપિત કરે છે.(૩૮.૨)