તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
અમેરિકામાં યોજાયેલી પહેલવહેલી લાઇવ સ્પર્મ રેસમાં આ યુવાન જીત્યો
તેને ફર્સ્ટ સ્પર્મ રેસનો વિનર જાહેર કરીને ગોલ્ડન રંગની સ્પર્મના આકારની ટ્રોફી અને ૧૦,૦૦૦ ડોલર એટલે કે લગભગ ૮.૫ લાખ રૂપિયાનું ઇનામ આપવામાં આવ્યાં હતાં
કેલિફોર્નિયા,તા.૨૮: પુરુષોની પ્રજનનક્ષમતા અને સ્પર્મની ઘટતી જતી ગુણવત્તા બાબતે જાગળતિ લાવવા માટે ગયા અઠવાડિયે અમેરિકાના લોસ એન્જલસના હોલીવુડ પલેડિયમમાં લાઇવ સ્પર્મ રેસનું આયોજન કરવામાં આવેલું. સાંભળવામાં અતિ વિચિત્ર લાગે એવી આ ઇવેન્ટની જ્યારે જાહેરાત થઈ ત્યારે અનેક સવાલો હતા કે અત્યંત અંગત જીવનને લગતી આ વાત કઈ રીતે જાહેરમાં પ્રસારિત થશે. જોકે શુક્રવારે પચીસ એપ્રિલે આ ઇવેન્ટનું આયોજન થયું ત્યારે હજારો યુવાનો એ લાઇવ રેસ જોવા એકઠા થયા હતા.સ્ત્રીના પ્રજનનમાર્ગ જેવો જ વીસ સેન્ટિમીટર જેટલો લાંબો ટ્રેક તૈયાર કરીને એમાં બે પુરુષોના સ્પર્મ છોડવામાં આવ્યા હતા. બે કોલેજ-સ્ટુડન્ટ વચ્ચે આ રેસ થઈ હતી.
યુનિવર્સિટી ઓફ સાઉથ કેલિફોર્નિયાના શ્લ્ઘ્ના વીસ વર્ષના ટ્રિસ્ટન અને યુનિવર્સિટી ઓફ કેલિફોર્નિયા લોસ એન્જલસના UCLAના ૧૯ વર્ષના એશ્નર વચ્ચે આ સ્પર્ધા થઈ હતી. બન્નેના સ્પર્મ વચ્ચે ત્રણ વાર રેસ થઈ હતી અને એમાં ટ્રિસ્ટન જીત્યો હતો. તેને ફર્સ્ટ સ્પર્મ રેસનો વિનર જાહેર કરીને ગોલ્ડન રંગની સ્પર્મના આકારની ટ્રોફી અને ૧૦,૦૦૦ ડોલર એટલે કે લગભગ ૮.૫ લાખ રૂપિયાનું ઇનામ આપવામાં આવ્યાં હતાં.(૪૦.૮)
(11:07 AM IST)
છેલ્લા 8 દિવસમાં સૌથી લોકપ્રિય 
