તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ચીનમાં વાળ ધોવાનું AI ધરાવતું મશીન લોન્ચ, એમાં ૧૩ મિનિટમાં વાળ ધોવાઈને ડ્રાય થઈને બહાર આવી જાય છે
આર્ટિફિશ્યલ ઇન્ટેલિજન્સ (AI) હવે દરેક ક્ષેત્રમાં કામે લાગી રહી છે. જોકે આ ક્રાન્તિ હેર સૅલોંમાં પણ આવી ગઈ છે. ચીનના ગુઆન્ગઝોઉ પ્રાંતમાં ઠેર-ઠેર AI સંચાલિત શૅમ્પૂ મશીન આવી ગયાં છે. આ ઇનોવેટિવ મશીન્સ ઇન્ફ્રારેડ સેન્સર્સ દ્વારા કામ કરે છે. તમારા વાળ સીધા, વાંકડિયા, ઑઇલી, ડ્રાય કે પછી જાડા કે પાતળા છે એ બધું જ આ ઇન્ફ્રારેડ સેન્સર્સ તપાસે છે. વાળના તાળવામાં કોઈ તકલીફ છે કે નહીં એનું ચેકિંગ પણ કરે છે અને એ મુજબ કેવું શૅમ્પૂ વાપરવું અને કેટલા સમય માટે એનાથી વાળ ધોવા એ પણ મશીન જાતે જ સેટ કરે છે. શરૂઆત થઈ ત્યારે આ રીતે વાળ ધોવાના લગભગ દસ યુઆન એટલે કે આશરે ૧૫૦ રૂપિયા જ થતા હતા, પરંતુ હવે એની પૉપ્યુલરિટી વધી ગઈ છે અને એ માટે બુકિંગ પણ કરાવવું પડે એમ હોવાથી ૨૨૫ રૂપિયાનો ખર્ચ થાય છે.
(11:13 AM IST)
છેલ્લા 8 દિવસમાં સૌથી લોકપ્રિય 
