તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
સૂર્યનો પ્રકાશ ત્વચા પર પડવા જ નહોતી દેતી તે મહિલાનું પડખું ફેરવવા જતાં હાડકું ભાંગી ગયું
ત્વચાને ઊજળી રાખવા માટે તે ત્વચા પર ભરપૂર સન પ્રોટેક્શન લોશન લગાવી આખી બાંય અને મોં ઢંકાય એવાં કપડાં પહેરીને જ બહાર નીકળતી
ચેન્ગુડુ ,તા.૨૬: સૂર્યનો પ્રકાશ અને એમાંથી શરીરને મળતું વિટામિન ‘ડી' કેટલું મહત્ત્વનું છે એ ચીનની ૪૮ વર્ષની ચેન્ગુડુ પ્રાંતની એક મહિલાના કેસ પરથી સમજવા જેવું છે. આ મહિલાને સૂર્યના પ્રકાશને કારણે ત્વચા કાળી પડી જાય એ જરાય ગમતું નહોતું. તે નાની હતી ત્યારથી જ તડકો અવૉઇડ કરતી. બાળપણમાં પણ તે તડકામાં રમવા નહોતી જતી. ત્વચાને ઊજળી રાખવા માટે તે ત્વચા પર ભરપૂર સન પ્રોટેક્શન લોશન લગાવી આખી બાંય અને મોં ઢંકાય એવાં કપડાં પહેરીને જ બહાર નીકળતી. આ લાઇફસ્ટાઇલને કારણે તેની ત્વચા તો ફેર રહી, પરંતુ શરીર નબળું પડતું ગયું. એની ખબર તેને યુવાનીમાં ન પડી, પણ તેને ઓસ્ટિઓપોરોસિસ કયારે થઈ ગયો એનીયે ખબર ન પડી. એક દિવસ રાતે ઊંઘમાં જ તે પડખું ફેરવવા જઈ રહી હતી ત્યારે તેના થાપામાં ફ્રેક્ચર થઈ ગયું હતું.(૪૦.૧૩)
(9:56 AM IST)
છેલ્લા 8 દિવસમાં સૌથી લોકપ્રિય 
