લંડન,તા.૦૪: યુનાઈટેડ કિંગડમ (યુકે)માં ઘૂસણખોરીના ગોરખધંધામાં સોશિયલ મીડિયા સાઈટ્‍સનો વ્‍યાપક ઉપયોગ થતો હોવાનું સરકારના ધ્‍યાને આવ્‍યું છે. નાની બોટ અથવા અન્‍ય માધ્‍યમોથી યુનાઈટેડ કિગડમમાં ગેરકાયદે ઘૂસણખોરીને પ્રોત્‍સાહન આપવા સોશિયલ મીડિયાનો બેફામ ઉપયોગ થઈ રહ્યો હોવાથી સરકારે તેને ડામવા કમર કસી છે. ઘૂસણખોરી કરાવતી ગેંગોએ અદ્યતન તરકીબો અજમાવવાનું શરૂ કરતાં સરકારને કાયદામાં સુધારો કરવાની ફરજ પડી છે.

બોર્ડર સિક્‍યોરિટી, એસિલમ (રાજ્‍યાશ્રય) અને ઈમિગ્રેશન બિલ અંતર્ગત નવા સુધારાને યુકે સંસદમાં રજૂ કરાયો છે. આ નવી જોગવાઈ અંતર્ગત બ્રિટનના ઈમિગ્રેશન લોનો ભંગ કરવાની સેવા પૂરી પાડતી અથવા તેમ કરવા પ્રોત્‍સાહન આપતી સામગ્રીને ઓનલાઈન પ્રસિદ્ધ કરવાના કૃત્‍યને અપરાધ ગણવામાં આવશે.

નવી જોગવાઈમાં ઈંગ્‍લિશ ચેનલને પાર કરવા માટે નાની બોટનો ઉપયોગ, પાસપોર્ટ અને વિઝા જેવા બનાવટી દસ્‍તાવેજો બનાવવા અથવા યુકેમાં ગેરકાયદે કામ કરવાની તકોની લાલચ આપવા જેવા કૃત્‍યોનો સમાવેશ થઈ શકે છે. આ પ્રકારની હરકતો થકી વિશ્વના કોઈ પણ સ્‍થળેથી યુકેમાં ઘૂસણખોરી માટે રચાતા ષડયંત્રોને અપરાધ ગણવા માટે કાયદામાં ફેરફાર કરવામાં આવશે. નવી જોગવાઈ હેઠળ આ પ્રકારના ગુનામાં પકડાયેલી વ્‍યક્‍તિને પાંચ વર્ષની જેલ અને જંગી દંડ ફટકારવામાં આવશે.

યુકેના હોમ સેક્રેટરી વેટ કૂપરે જણાવ્‍યું હતું કે, નાણાં માટે કોઈ વ્‍યક્‍તિને ઓનલાઈન કે ઓફલાઈન માધ્‍યમથી યુકેમાં સલામત રીતે ઘૂસાડવાની અને યુકેમાં વસવાટની લાલચ આપવી અનૈતિક કૃત્‍ય છે. આ અપરાધીઓને વિસ્‍થાપિતોના જીવ જોખમમાં મૂકતા નિર્લજ્જ અખતરા કરવામાં સહેજ પણ ખચકાટ થતો નથી. કોઈપણ સ્‍થળેથી આવા લોકો કામ કરતા હોય, પરંતુ તેમને રોકવા માટે યુકે લ્લઢ નિﾍયી છે. તેમણે વધુમાં જણાવ્‍યુ હતું કે, લોકોનું સ્‍મગલિગ કરતી ટોળકીઓની પદ્ધતિઓમાં સતત પરિવર્તન આવતું રહે છે અને તેમની અદ્યતન પદ્ધતિઓને ડામવા માટે સરહદોની સલામતી સુનિﾍતિ કરવી અનિવાર્ય છે. નવા કાયદાના અમલથી આવી ગેંગોના દાવ-પેચને ઝડપી અને અસરકારક રીતે ડામી શકાશે તથા ગુનેગારોને ઉચિત સજા આપી શકાશે. ગેરકાયદે ઘૂસણખોરી કરાવવાના કૃત્‍યને અપરાધ ગણવાનો કાયદો યુકેમાં અમલી છે ત્‍યારે આ નવા સુધારાથી કાયદાના અમલથી ઘૂસણખોરીના કાવતરાની પ્રસિદ્ધિ કરાવતા દાણચોરોને અટકાવવાની કામગીરી વધુ અસરકારક બનવાની અપેક્ષા છે. 

યુકેના ગૃહ વિભાગના અભ્‍યાસ મુજબ, ગેરકાયદે ઘૂસણખોરોમાંથી ૮૦ ટકાએ નાની બોટનો ઉપયોગ કર્યો હતો. યુકેની મુસાફરી દરમિયાન તેમણે એજન્‍ટ અથવા વચેટિયાનો સંપર્ક સોશિયલ મીડિયા પર કર્યો હતો અને સોશિયલ મીડિયાથી જ સ્‍થાયી થવા સુધીનું આયોજન કર્યું હતું. નેશનલ ક્રાઈમ એજન્‍સીના ડાયરેક્‍ટર જનરલ ફોર ઓપરેશન્‍સ રોબ જોન્‍સે જણાવ્‍યુ હતું કે, સોશિયલ મીડિયા થકી જ ગેરકાયદે ઘૂસણખોરીનો ખેલ ચાલી રહ્યો હોવાથી સોશિયલ મીડિયા કંપનીઓની મદદથી આવા એજન્‍ટ અને ટોળકીઓના એકાઉન્‍ટ્‍સ ઓળખી કઢાયા છે.

ગેરકાયદે ઘૂસણખોરો સામેની કાર્યવાહીને સઘન બનાવતાં યુકે તંત્ર દ્વારા ૩૫,૦૦૦ લોકોને દેશમાંથી ડીપોર્ટ કરાયા છે. ઘૂસણખોરી કરાવતી ગેંગના સૂત્રધારો અને ઘૂસણખોરી કરવા માગતા લોકોને શોધી લાવતા વચેટિયાઓ સામે આકરા પગલાં પણ લેવાયા છે.(