લંડન તા.૧: લંડનમાંથી એક અજીબોગરીબ સમાચાર સામે આવી રહ્યા છે. અહીં દુનિયાના સૌથી કિમતી ટોયલેટની હરાજી થવાની છે. આ કોઈ સામાન્‍ય જેવું તેવું ટોયલેટ નથી, પણ આખું શુદ્ધ સોનાથી બનેલું ટોયલેટ છે. તેને પ્રખ્‍યાત ઇટાલિયન કલાકાર મોરિજિયો કૈટેલને બનાવ્‍યું હતું અને તેનું નામ રાખ્‍યું છે-અમેરિકા.

આ ગોલ્‍ડ ટોયલેટની હરાજી ૧૮ નવેમ્‍બરના રોજ ન્‍યૂયોર્કમાં સોથબી હરાજી ઘરમાં થશે. તેની શરૂઆતી કિમત ૧૦ મિલિયન ડોલર એટલે કે ૮૩ કરોડ રૂપિયા રાખવામાં આવી છે.

આ ટોયલેટ ખાલી સોનાથી બનેલું નથી, પણ એક મેસેજ પણ આપે છે. કેટેલનનું કહેવું છે કે આ અમીર લોકોની દેખાડાવાળી જિદગી પર કટાક્ષ છે. તેમણે એક વાર કહ્યું હતું, તમે ભલે ૨૦૦ ડોલરનું લંચ ખાઈ જાઓ અથવા ૨ ડોલરનો હોટ ડોગ, છેલ્‍લે બધાનું કામ એક જ જગ્‍યા હોય છે, ટોયલેટમાં. એટલે કે આ કલાકૃતિ એક રીતે સમાજમાં અમીરી અને બરાબરીના અંતર પર કટાક્ષ કરે છે.

આ ટોયલેટ બનાવવામાં ૧૦૧ કિલોથી વધારે સોનાનો ઉપયોગ થયો છે, તેની કિમત લગભગ ૧૦ મિલિયન ડોલર આંકવામાં આવી છે. સોથબીનું કહેવું છે કે આ કલાનો એવો નમૂનો છે, જે દેખાડે છે કે કોઈ વસ્‍તુની અસલી કિમત તેના મટીરિયલથી છે કે તેના આઈડિયાથી.

આ કોઈ પહેલી વાર નથી, જ્‍યારે અમેરિકા નામનું આ ટોયલેટ ચર્ચામાં આવ્‍યું હતું, આ અગાઉ ૨૦૧૬માં ન્‍યૂયોર્કના ગગનહાઈમ મ્‍યૂઝિયમમાં લગાવ્‍યું હતું. આ સમયે તે સામાન્‍ય લોકો માટે પણ ખુલ્‍લું હતું અને ૧ લાખથી વધારે લોકોએ તેનું જોયું અને ઉપયોગ કરવાનો મોકો પણ લીધો હતો. મ્‍યૂઝિયમમાં તેને એટલું ચર્ચિત બનાવી દીધું કે બાદમાં અમેરિકી રાષ્ટ્રપતિ ડોનાલ્‍ડ ટ્રમ્‍પને પણ ઓફર આપી કે તેઓ તેને વ્‍હાઈટ હાઉસમાં રાખી શકે છે, જો કે ટ્રમ્‍પે આ ઓફર ફગાવી દીધી હતી.

૨૦૧૯માં તેનું બીજું વર્ઝન ઇંગ્‍લેન્‍ડના બ્‍લેનહેમ પેલેસમાં પ્રદર્શિત કર્યું હતું. પણ થોડા જ દિવસોમાં ચોર ત્‍યાં ઘૂસી ગયા અને આ સોનાના ટોયલેટની દિવાલ તોડી લઈ ગયા. આ ચોરી દુનિયાભરમાં ચર્ચાનો વિષય બન્‍યો હતો. પોલીસનું માનવું છે કે ટોયલેટ બાદમાં પીગળાવીને સોનાના રૂમમાં વેચી દીધું. બે લોકોને આ મામલે સજા પણ થઈ, પણ ટોયલેટ હજુ પણ મળ્‍યું નથી.(૩૮.૪)