તા. ૧૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૨ બુધવાર
૧૦૮ વર્ષના દાદા અને ૧૦૭ વર્ષનાં દાદી છે વિશ્વનાં સૌથી વયસ્ક પતિ-પત્નિ
એક તો તેઓ સૌથી વયસ્ક પતિ-પત્નિ છે અને બીજો, તેઓ સૌથી લાંબું લગ્નજીવન જીવનારું યુગલ છેઃ આ ઉંમરે પણ બન્ને એકમેકના પ્રેમમાં એવાં જ ડૂબેલાં છે જાણે હજી કોલેજમાંથી બહાર આવ્યાં હોય
ન્યુયોર્ક, તા.૧૦: અમેરિકામાં એક સેન્ચુરિયન કપલ છે જે પળથ્વી પર હયાત હોય એવાં સૌથી વળદ્ધ પતિપ્રપત્નીનો દરજ્જો ધરાવે છે. ૧૦૮ વર્ષના લાયલ નામના દાદા અને ૧૦૭ વર્ષનાં એલીનોર નામનાં દાદી પહેલી વાર ૧૯૪૧માં એક કૉલેજમાં સ્ટુડન્ટ્સ હતાં ત્યારે મળેલાં. પહેલી જ નજરે પ્રેમ થઈ જાય એવું જ કંઈક આ યુગલ વચ્ચે બન્યું. મુલાકાતના બીજા વર્ષે તો તેમણે લગ્ન પણ કરી નાખ્યાં. આજે ૮૩ વર્ષથી બન્ને સાથે છે. ૧૯૪૨ની ચોથી જૂને તેમણે લગ્ન કર્યાં હતાં. લગ્નજીવનથી તેમને એક દીકરો અને બે દીકરી છે અને તેમનો પરિવાર પણ હર્યોભર્યો થઈ ગયો છે. અમેરિકાનું આ યુગલ બબ્બે ગિનેસ વર્લ્ડ રેકૉર્ડ્સ ધરાવે છે. એક તો તેઓ સૌથી વયસ્ક પતિપ્રપત્ની છે અને બીજો, તેઓ સૌથી લાંબું લગ્નજીવન જીવનારું યુગલ છે. આ ઉંમરે પણ બન્ને એકમેકના પ્રેમમાં એવાં જ ડૂબેલાં છે જાણે હજી કૉલેજમાંથી બહાર આવ્યાં હોય. આવો તરોતાજા પ્રેમ કઈ રીતે જાળવી શકયાં એવું જ્યારે તેમને પૂછવામાં આવ્યું તો તેમનું કહેવું હતું કે અમે રોજ સાથે બેસીને એક ડ્રિન્ક શૅર કરીએ છીએ. અમારો આ નિયમ અમને પરસ્પર પ્રત્યેના પ્રેમને જીવંત રાખવા માટે પૂરતો છે.
(4:25 PM IST)
છેલ્લા 8 દિવસમાં સૌથી લોકપ્રિય 
