તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
બ્રિટનમાં ઘરેલું હિંસાની પરાકાષ્ઠાઃ પાખંડી પ્રેમીએ સગર્ભા પ્રેમિકાને બેરહેમીથી ફટકારી તેના પર પેશાબ કર્યો, કોર્ટે ફટકારી ૬ વર્ષની જેલ
લંડન/એશફોર્ડ તા.૫: બ્રિટનના એશફોર્ડમાં રહેતા ૩૬ વર્ષીય લુઈસ ટેલર નામના શખ્સે પોતાની સગર્ભા પ્રેમિકા પર અન્ય પુરુષ સાથે સંબંધ હોવાની ખોટી શંકા રાખી ગંભીર હુમલો કર્યો હતો. ન્યાયાધીશે આ કેસને તેમના ૨૫ વર્ષના કાર્યકાળનો સૌથી ભયાનક ઘરેલું હિસાનો કિસ્સો ગણાવ્યો છે. આરોપીને વિવિધ ગુનાઓ હેઠળ કુલ ૬ વર્ષની જેલની સજા ફટકારવામાં આવી છે.
બ્રિટનની એક અદાલતમાં ઘરેલું હિસાનો એક એવો કિસ્સો સામે આવ્યો છે જેણે માનવતાને શર્મસાર કરી દીધી છે. લુઈસ ટેલર (૩૬ વર્ષ) નામના શખ્સે પોતાની ગર્ભવતી પ્રેમિકા પર અમાનુષી અત્યાચાર ગુજાર્યો હતો. મેડસ્ટોન ક્રાઉન કોર્ટમાં સુનાવણી દરમિયાન ન્યાયાધીશ ડેનિયલ સ્ટીવેન્સને જણાવ્યું હતું કે પીડિતાની ઈજાઓના ફોટા અને હુમલાનું વર્ણન તેમના ૨૫ વર્ષના કાયદાકીય કરિયરનું સૌથી ખરાબ ઉદાહરણ છે.
અહેવાલ મુજબ, ટેલર અને પીડિતા લગભગ ચાર મહિનાથી સંબંધમાં હતા. લુઈસ ટેલરે તેની પ્રેમિકા પર અન્ય પુરુષ સાથે અનૈતિક સંબંધ હોવાનો અને તેના બાળકનો પિતા અન્ય કોઈ હોવાનો ખોટો આરોપ મૂક્યો હતો. જોકે પીડિતાએ પોતે નોકરી પર હોવાના પુરાવા તરીકે ફોટા પણ મોકલ્યા હતા, તેમ છતાં પાખંડી પ્રેમીનો ગુસ્સો શાંત થયો નહોતો.
શારીરિક હિસાઃ ટેલરે પીડિતાનું માથું ટોયલેટની ફલશ ટાંકી (સિસ્ટર્ન) સાથે અથડાવ્યું હતું, જેના કારણે ટાંકી તૂટી ગઈ હતી. ત્યારબાદ તેને વાળ પકડીને આખા ઘરમાં ફરસ અને દીવાલો સાથે પછાડી હતી.
અપમાનજનક વર્તનઃ જ્યારે પીડિતાએ સ્વબચાવમાં બચકું ભર્યું, ત્યારે ડ્રગ ડીલર રહી ચૂકેલા ટેલરે તેના ચહેરા પર થૂંક્યું હતું અને તેના પગ પર પેશાબ કરીને તેને અત્યંત અપમાનિત કરી હતી.
ધમકીઃ ટેલરે પીડિતાને બૂમો પાડીને તેનું ગર્ભસ્થ બાળક દૂર કરી દેવા (ગર્ભપાત કરાવવા) માટે દબાણ કર્યું હતું.
પીડિતાએ કોર્ટમાં જણાવ્યું હતું કે આ હુમલા બાદ તે એટલી ડરી ગઈ હતી કે એક અઠવાડિયા સુધી તે તેના બાળકોથી દૂર રહી હતી જેથી તેઓ તેની ઈજાઓ ન જોઈ શકે. તેણે લોહીથી લથબથ રમકડાં ફેંકી દેવા પડ્યા હતા અને તે સતત આઘાતમાં જીવી રહી છે.
લુઈસ ટેલર અગાઉ કોકેઈન સિન્ડિકેટમાં સામેલ હોવા બદલ ૫૮ મહિનાની જેલની સજા કાપી ચૂક્યો છે અને પેરોલ પર બહાર હતો. કોર્ટે તેને ઇરાદાપૂર્વક ગળું દબાવવા, મારપીટ અને મિલકતને નુકસાન પહોંચાડવા જેવા ગુનાઓ હેઠળ દોષિત ઠેરવી કુલ ૬ વર્ષની જેલની સજા ફટકારી છે.
ન્યાયાધીશે પીડિતાની હિમતની પ્રશંસા કરતા કહ્યું કે તે ગર્વ સાથે પોતાનું માથું ઊંચું રાખી શકે છે.
(2:15 PM IST)
છેલ્લા 8 દિવસમાં સૌથી લોકપ્રિય 
