નવી દિલ્હી: આજના આધુનિક યુગમાં માતા-પિતા પોતાના નાના માસુમ બાળકોને રડતા બંધ કરવા કે ખાવા પીવડાવવા માટે હાથમાં મોબાઈલ પકડાવી દેતા હોય છે. પરંતુ હાલમાં જ સામે આવેલા એક ભયાનક અને આંખ ઉઘાડનારા સંશોધન રિપોર્ટે વાલીઓના હોશ ઉડાવી દીધા છે! આ રિપોર્ટ મુજબ બાળકોના હાથમાં સ્માર્ટફોન આપવા કરતાં પણ વધુ ખતરનાક બાબત એ છે કે માતા-પિતા પોતે તેમની સામે સતત ફોન મચડ્યા કરે છે!
આપણે વારંવાર બાળકોના હાથમાંથી ફોન છીનવી લઈએ છીએ, પરંતુ નિષ્ણાતો કહે છે કે મૂળ સમસ્યા માતા-પિતાના હાથમાં રહેલી સ્ક્રીન છે.

જ્યારે માતા-પિતા ફોનમાં વ્યસ્ત હોય છે, ત્યારે બાળકો સાથેની રોજેરોજની નાની-નાની વાતચીતો અને આદાન-પ્રદાન નોંધપાત્ર રીતે ઘટી જાય છે.
બાળકો સ્વભાવે જિજ્ઞાસુ હોય છે, પરંતુ મોબાઇલમાં વ્યસ્ત રહેતા માતા-પિતા તેમના સવાલોના ખૂબ ટૂંકા જવાબો આપે છે, જેનાથી બાળક પુસ્તકો વાંચવા કે નવી વસ્તુઓ શીખવાને બદલે પોતે પણ મોબાઇલ તરફ આકર્ષાય છે.
આ જ રોજિંદી વાતચીતો દ્વારા બાળક નવા શબ્દો સાંભળે છે, તેના અર્થ સમજે છે અને યોગ્ય સમયે ભાષાનો ઉપયોગ કરતા શીખે છે, જે ફોનના કારણે છીનવાઈ જાય છે.