નવી દિલ્હી: દુનિયાભરમાં આર્ટિફિશિયલ ઇન્ટેલિજન્સ (AI) અને રોબોટિક્સનો ક્રેઝ ચરમસીમાએ પહોંચ્યો છે, ત્યારે ચીનની શેરબજારમાં આ ક્ષેત્રની કંપનીઓના આઇપીઓ (IPO) ની ભારે ધૂમ મચી હોવાનો સનસનાટીભર્યો ધડાકો સામે આવ્યો છે! ચીનની અગ્રણી AI, હ્યુમનોઇડ રોબોટ અને ઓટોમેશન બનાવતી કંપનીઓ પોતાના શેર જાહેર જનતા માટે ખુલ્લા મૂકી રહી છે, જેને ખરીદવા માટે વૈશ્વિક રોકાણકારો અને સટ્ટાબજારના ખેલાડીઓ તૂટી પડ્યા છે. માર્કેટમાં ઉતારાયેલા તમામ IPO મિનિટોમાં જ ગગનચુંબી પ્રીમિયમ સાથે ઓવરબુક થઈ જતાં શેરબજારના જૂના જોગીઓ પણ દંગ રહી ગયા છે! ચીનના સ્ટોક એક્સચેન્જ પર ચાલી રહેલી આ ઐતિહાસિક તેજીથી વૈશ્વિક ટેકનોલોજી માર્કેટમાં મોટો ધડાકો થયો છે અને અબજો ડોલરના ભંડોળનો સટાકથી પ્રવાહ વહી રહ્યો છે!

જુલાઇમાં ચીનની સૌથી મોટી મેમરી ચીપ બનાવનારી કંપની સીએક્સએમટીએ શાંઘાઇમાં ૮.૬ અબજ ડોલરથી વધુ એકત્ર કર્યા હતાં. આ ચીનનો બીજો સૌથી મોટો આઇપીઓ હતો.ટ્રેડિંગનાં પ્રથમ દિવસે તેમાં ૪૬૬ ટકાનો ઉછાળો જોવા મળ્યો હતો.
એસએન્ડપી ગ્લોબલ માર્કેટ ઇન્ટેલિજન્સનાં સિનિયર રિસર્ચ એનાલિસ્ટ રૂઇયિંગ ઝાઓએ જણાવ્યું છે કે વર્તમાન આઇપીઓ તેજી એઆઇ અને રોબોટિક્સમાં રોકાણકારોનાં રસનાં કારણે છે.
શાંઘાઇનાં શેરબજારમાં ટ્રેડિંગ સામાન્ય રીતે રિટેલ રોકાણકારો દ્વારા સંચાલિત હોય છે. આઇઓએન એનાલિટિક્સમાં એપીએસી ઇક્વિટી કેપિટલ માર્કેટનાં પ્રમુખ પેરિસ લીએ જણાવ્યું છે કે શાંઘાઇમાં સીએક્સએમટીનાં આઇપીઓએ ચીનને એઆઇથી જોડાયેલ ટેક મેન્યુફેકચરિંગમાં વ્યૂહાત્મક રીતે મહત્ત્વપૂર્ણ સ્થિતિમાં લાવીને ઉભુ કર્યુ છે. આ તેજી ચીનની ટેકનોલોજી બાબતમાં આત્મનિર્ભર બનવાની મહત્ત્વકાંક્ષાઓનો પણ પુરાવો છે.૨૦૧૬માં શરૂ થયેલી આ કંપની રેવન્યુ દર વર્ષે ૭૦૦ ટકા વધીને ૭.૫ અબજ ડોલર થઇ ગઇં છે. આ વધારો ૨૦૨૬નાં શરૂઆતનાં ત્રણ મહિનામાં એઆઇ માટે જરૂરી કોમ્પ્યુટર ચિપ્સની માંગમાં ઉછાળાને કારણે જોવા મળ્યો છે.