તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ચેટિંગ ગ્રુપમાં પત્નીની બૂરાઈ કરવી એ પણ ઘરેલુ હિંસા જ ગણાય
ચીનની અદાલતે પત્ની વિશે જાહેર સોશિયલ મીડિયા ગ્રુપમાં અપમાનજનક પોસ્ટ કરવી પણ ઘરેલુ હિંસા ગણાય એવો મહત્વપૂર્ણ ચુકાદો આપ્યો છે
શાંઘાઈ,તા.૩૧: શીર્ષક વાંચીને ભારતીયોએ ચોંકવાની જરૂર નથી. આ સ્ટેટમેન્ટ ચીનની કોર્ટનું છે. ચીનના શાંઘાઈમાં એક ભાઈ પોતાની સ્કૂલ અને મોહલ્લાના વોટ્સઍપ ગ્રુપમાં પત્ની વિશે ઘસાતું લખતો હતો. જ્યારે પત્નીનાં પિયરિયાંને આ ખબર પડી તો તેઓ આ મામલાને કોર્ટમાં ખેંચી ગયા હતા. ૨૦૨૫ના નવેમ્બર મહિનામાં આ ભાઈએ કેટલાક સોશ્યલ મીડિયા મેસેજિગ ઍપ્સના ગ્રુપ્સમાં પત્નીની બૂરાઈ કરતી પોસ્ટ મૂકી હતી. આ પોસ્ટ જોઈને તેમનો દીકરો બહુ ડિસ્ટર્બ થઈ ગયો હતો. તેને પોતાના પાડોશીઓ, દોસ્તોમાં હળતાંભળતાં શરમ આવવા લાગી હતી. આ બાબતે દીકરાના મામા તેની મદદે આવ્યા અને તેમની મદદથી દીકરાએ પિતાને કોર્ટમાં પડકારીને આવું ન કરવાની માગણી કરી હતી. શાંઘાઈની ન્યુ એરિયા પીપલ્સ કોર્ટે કહ્યું હતું કે જાહેર ગ્રુપમાં પરિવારની અંગત વાતો કરીને ભૂંડી કમેન્ટ કરવી એ કોઈ સામાન્ય પારિવારિક વાત નથી, આ ઘરેલુ હિસાની શ્રેણીમાં જ આવે. કોર્ટે કહ્યું હતું કે જો પતિ હવે ફરીથી આ પ્રકારની ઑનલાઇન પોસ્ટ કરશે તો તેને ડોમેસ્ટિક વાયલન્સ અંતર્ગત સજાને પાત્ર ગણવામાં આવશે
(10:19 AM IST)
છેલ્લા 8 દિવસમાં સૌથી લોકપ્રિય 
