નવી દિલ્હી: ઈરાન અને પશ્ચિમ એશિયામાં ચાલી રહેલા ભયાનક સંઘર્ષ વચ્ચે સમગ્ર માનવજાત અને વિશ્વરાજકારણના હોશ ઉડાડી દેતો એક અતિ-ચોંકાવનારો, સનસનાટીભર્યો અને વિસ્ફોટક ધડાકો સામે આવ્યો છે! ઈરાન સમર્થિત હૂતી વિદ્રોહીઓએ રાક્ષસી સ્પીડે હુમલો કરીને યમનના અત્યંત મહત્વપૂર્ણ એવા 'મોચા' (Mocha) શહેર પર પોતાનો કાળમુખો કબજો જમાવી લીધો છે! આટલું જ નહીં, સાઉદી અરેબિયાની સરહદ પર હૂતીઓ અને સુરક્ષા દળો વચ્ચે ભીષણ અને લોહિયાળ યુદ્ધ ફાટી નીકળતાં આખા મધ્ય પૂર્વમાં કાળો સન્નાટો છવાઈ ગયો છે.

મોચા પર આ કબજો હૂતીઓ માટે એક મોટી સફળતા માનવામાં આવે છે. આનાથી લાલ સમુદ્ર અને બાબ-અલ-મંદેબ વિસ્તારમાં તેમનો પ્રભાવ વધુ મજબૂત બની શકે છે. જોકે, હૂતીઓ સામે લડી રહેલા નેશનલ રેઝિસ્ટન્સ ફ્રન્ટે જણાવ્યું છે કે તેના એક કમાન્ડર લશ્કરી ટુકડી સાથે ગુરુવારે સવારે મોચામાં દાખલ થયા છે. સંગઠને સ્પષ્ટતા કરી છે કે એન્ટી-હૂતી ગઠબંધન સાથે મળીને મોચાની સુરક્ષા વ્યવસ્થા ફરીથી ગોઠવવા અને તેને મજબૂત બનાવવાનું કામ ચાલી રહ્યું છે. નેશનલ રેઝિસ્ટન્સ ફ્રન્ટના જણાવ્યા અનુસાર, તેમના સૈનિકો અને હૂતી નૌકાદળ વચ્ચે પણ અથડામણ થઈ છે.

યમન સરકારના 4 લશ્કરી સૂત્રોના જણાવ્યા અનુસાર, હૂતીઓ બાબ-અલ-મંદેબ સ્ટ્રેટ પર પોતાનો પ્રભાવ વધારવાની ખૂબ નજીક પહોંચી ગયા છે. આ સમુદ્રી માર્ગ વિશ્વના સૌથી મહત્વપૂર્ણ વેપારી માર્ગો પૈકીનો એક છે. હૂતીઓ મોચા અને ધુબાબ જેવા દરિયાકાંઠાના શહેરો પર પોતાની પકડ મજબૂત કરવાના પ્રયાસો કરી રહ્યા છે, કારણ કે આ શહેરો સીધા બાબ-અલ-મંદેબની નજીક આવેલા છે.