નવી દિલ્હી: આર્ટિફિશિયલ ઈન્ટેલિજન્સના યુગમાં હવે મશીન માત્ર સવાલના જવાબ જ નહીં આપે, પણ તમારી માનસિક સ્થિતિને સમજીને મદદ પણ કરશે. OpenAI એ ChatGPT માટે 'Trusted Contact' ફીચર લોન્ચ કર્યું છે. આ ફીચર ખાસ કરીને એવા સંજોગો માટે છે જ્યારે કોઈ યુઝર અત્યંત તણાવમાં હોય અથવા પોતાની જાતને નુકસાન પહોંચાડવાના વિચારો વ્યક્ત કરે.

કેવી રીતે કામ કરશે આ ફીચર?

1. સંપર્કની પસંદગી: ૧૮ વર્ષથી વધુ ઉંમરના યુઝર્સ સેટિંગ્સમાં જઈને પોતાના કોઈ એક વિશ્વાસુ વ્યક્તિ (મિત્ર, પરિવાર કે કેરગીવર) નું નામ અને સંપર્ક વિગતો ઉમેરી શકશે.
2. ઈન્વિટેશન: તમે જેનું નામ આપશો, તેમને એક આમંત્રણ મોકલવામાં આવશે. જો તેઓ એક અઠવાડિયામાં આ સ્વીકારશે, તો જ આ ફીચર એક્ટિવ થશે.
3. ઓટોમેટેડ ડિટેક્શન: જો ChatGPT ની સિસ્ટમને લાગશે કે યુઝર ગંભીર રીતે સેલ્ફ-હાર્મ (સ્વ-નુકસાન) ની વાતો કરી રહ્યો છે, તો તે પહેલા યુઝરને જાણ કરશે અને મદદ લેવા પ્રોત્સાહિત કરશે.
4. હ્યુમન રિવ્યુ અને એલર્ટ: ત્યારબાદ, ટ્રેન્ડ નિષ્ણાતોની એક ટીમ આ વાતચીતની ગંભીરતા તપાસશે. જો ખરેખર જોખમ જણાશે, તો તમારા 'ટ્રસ્ટેડ કોન્ટેક્ટ'ને ઈમેલ અથવા ટેક્સ્ટ મેસેજ દ્વારા એલર્ટ મોકલવામાં આવશે.

પ્રાઈવસીનું ખાસ ધ્યાન: નોંધનીય છે કે આ એલર્ટમાં તમારી આખી ચેટ કે વિગતો શેર કરવામાં આવશે નહીં. તેમાં માત્ર એટલું જ જણાવાશે કે યુઝરને અત્યારે તમારી જરૂર છે અને તેઓ મુશ્કેલ સમયમાંથી પસાર થઈ રહ્યા છે. આનો મુખ્ય હેતુ યુઝરને રિયલ-વર્લ્ડ સપોર્ટ સાથે જોડવાનો છે.