તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ચીનમાં તોફાની સ્ટુડન્ટ્સને બાળકો સંભાળવાની સજા અપાય છે
વઢવાથી કે અન્ય સજા કરવાથી વિદ્યાર્થીઓનું બિહેવિયર સુધરતું નથી
જિયાંગ્સુ,તા.૧૬: ચીનના જિયાંગ્સુ પ્રાંતના શુઝોઉ શહેરની એક સ્કૂલે વિદ્યાર્થીઓને અનોખી સજા કરવાનું શરૂ કર્યું છે. અહીં તોફાની સ્ટુડન્ટ્સે બેબીઝની સંભાળ રાખવાની હોય છે. આ બાળકો રિયલ નહીં પણ બેબી ડોલ હોય છે. એનું વજન લગભગ ૨.૫ કિલો જેટલું હોય છે. તેમણે દિવસભર આ બેબીઝની સંભાળ રાખવાની હોય છે. તેમણે ક્લાસરૂમમાં ખાતી-પીતી વખતે અને ક્યાંય પણ ફરવા જતી વખતે ઢીંગલાને સાથે જ રાખવાનો હોય છે. આ ઢીંગલાની એવી કેર કરવાની હોય છે જાણે એ અસલી બાળક હોય.
આવી સજા કરતી સ્કૂલ પણ ખાસ છે. આ સ્પેશ્યલ એજ્યુકેશન સ્કૂલ છે જેમાં ભણતા સ્ટુડન્ટ્સને બિહેવિયરલ પ્રોબ્લેમ્સ હોય છે. ગુસ્સાવાળો સ્વભાવ ધરાવતા, ભણવામાં જરાય રુચિ ન ધરાવતા, ગેમિગની લતને કારણે સતત બેધ્યાન રહેતા સ્ટુડન્ટ્સ અહીં ભણે છે. તેમને વઢવાથી કે અન્ય સજા કરવાથી વિદ્યાર્થીઓનું બિહેવિયર સુધરતું નથી. સ્કૂલના પ્રિન્સિપાલનું કહેવું છે કે નાની વયના અને કુમળા મનના ટીનેજર્સને ડરાવવા કે ધમકાવવા ઠીક નથી હોતા કેમ કે એની અસર પણ ખાસ નથી થતી. એવામાં તેમને વધુ સંવેદનશીલ બનાવવા માટે આ રસ્તો વધુ અસરકારક છે. એક બાળકને સંભાળવું કેટલું અઘરું હોય છે એનો અનુભવ તેઓ જાતે કરે તો તેમને સમજાય છે કે પેરન્ટ્સ તેમની પાછળ કેટલી મહેનત કરે છે.
(9:57 AM IST)
છેલ્લા 8 દિવસમાં સૌથી લોકપ્રિય 
